■陳庭欣同翟威廉到沙田出席慈善活動。香港文匯報訊（記者 梁靜儀）陳庭欣（Toby）、翟威廉、周志文及陳苑澄等人前日到沙田出席慈善活動。以背心短褲現身的Toby，近日又在社交平台上載泳裝相，她解釋是為了宣傳即將播出的《3日2夜》，笑言現在每隔年幾拍一次也不錯，如太密就會辛苦：「我每次着泳裝都要閉關三個月減肥，我唔想一下子減得咁厲害，所以嗰段時間會慢慢減少食量，最後一個月仲會謝絕所有飯局，連男友約都唔食。」
問到會否跟同場的「Happy Live」成員翟威廉及周志文等Jam歌？Toby她自嘲歌藝欠佳：「雖然我有跟歌唱老師學唱歌，但唔想嚇親人，我有上過『Happy Live』嘅直播，佢哋叫我帶埋隻鸚鵡去轉移視線，唔使唱咁多，我隻鸚鵡都識唱一句Happy Birthday。」她又稱有時做活動司儀都要唱歌，但不知為何記台詞OK，就是記不到歌詞：「之前同楊明出席Annual Dinner，佢唱歌唱到一半就落台握手，有半首都唔使唱，我真係學到嘢。」
翟威廉透露最近嘗試作曲，他笑言反其道而行，希望今年成事，問到是否自己主唱？他笑說：「總之唔會係我唱，交畀佢哋唱，我就學極都唱唔好。」
周志文表示最近跟翟威廉學彈結他及彈琴，開心得對方義務教他。陳苑澄稱為了演出，事前要練習多次。