■各人為莫Auntie80大壽祝酒。香港文匯報訊（記者 梁靜儀）莫文蔚（Karen）的媽媽莫何敏儀（莫Auntie）前晚於尖沙咀某酒店筵開廿二席慶祝80大壽，當晚邀請了三百名賓客，到賀嘉賓包括有薛家燕一家、黃淑儀、李浩林、王梓軒、蔡和平夫婦等。是次壽宴猶如Party般，由Karen及其兄一手一腳籌備，另外，壽宴上更有籌款拍賣環節，慈善拍賣合共籌得55萬。
身穿紅色裙的莫Auntie，獲兒子莫理斯、女兒與女婿Johannes吻賀，之後與子女一起接受訪問。Karen表示媽咪是這個月生日，但前晚不是正日生日，因她要做巡迴演唱，早一晚才由哈爾濱返港，下星期又要飛歐洲。莫Auntie聞言即大讚女兒又乖又抵錫，因為Karen除了為她籌備Party，還用了她歷年的靚相製作了一幅大Backdrop。Karen笑說：「搞呢個Party仲誇張過搞演唱會。（送咗咩禮物？）就係呢個Party。（同哥哥夾份？） 佢冇所謂。」她表示Party當晚會唱歌娛賓，哥哥口才好就做主持。莫理斯笑稱自己唱歌會嚇走大家。至於可有準備驚喜？Karen笑指媽媽太醒目，什麼都被她識穿。
Karen揚言明年2月在港開騷
保養得宜的莫Auntie，被問到有何秘方？ 幽默的她笑說：「燈光啦、化妝，平時唔係咁，仲有保持心境開心，同埋幫人係好開心，有安樂感，呢啲買唔到。」Karen透露壽宴上會有籌款拍賣環節，為家族基金「莫理氏愛心行動基金」籌款，幫助動物及為環保出一分力。莫理斯指共有廿多件拍賣珍品，大多數是由朋友捐出。Karen指會邀請出得最高價的兩位善長仁翁，分別於她的台灣、香港站巡演上進行捐贈儀式，同時送贈曾於演唱會上穿過的球衣，並順道宣佈香港站將於明年2月8日元宵佳節舉行，場數則未定。
莫Auntie聽到乖女返港開騷，都好開心，並笑言近年忽然做了「跟得媽」， 之前都有跟Karen去巴黎、英國、日本及台灣開騷。問到會想Karen生B？她說：「唔理喇，我80歲點湊？我好享受𠵱家被（仔女）湊。」問到Karen對於內地有酒店出租「餘溫房」一事時，莫Auntie即代女兒回答：「啲肉酸嘢過咗去就算，今晚生日要開開心心。」
家燕姐送珍珠戒指作賀禮
家燕姐前晚攜同子女及新抱到賀，她透露訂製了南洋珍珠戒指作賀禮，又會上台獻唱英文歌《More than I can say》。跟莫Auntie相識幾十年的家燕姐，表示對方以前是她的上司：「我第一次做星馬錄音帶代理嘅時候，合約方面有好多英文都唔識，莫Auntie會幫我睇，又好肯教我、做節目又會畀意見、好支持我、好錫我，真係唔話得，所以帶晒全家人嚟同佢慶祝，好戥莫Auntie八十大壽開心，仔又叻，個女又係天后。」
日前家燕姐出席活動時自爆在市道不景下接Job，有客戶要求減價三成，她笑說：「要澄清唔係我自己話減，係客戶問我先減，個女都話我唔應該講出嚟。（報道刊登後多了工作？）都係，不過減價有期限，聖誕節前都可以，聖誕節後就唔好喇！」她又寄語大家，雖然最近香港經濟和社會氣氛都不是太好，遇到困難要樂觀去面對，不要太絕望， 很多事都可以迎刃而解，就像《皆大歡喜》有一句歌詞「團結一起有新轉機」。
另外，前晚的慈善拍賣合共籌得55萬元，而由杜昆先生所畫的莫文蔚畫像「莫后禪院」，由底價8,000元，最終由善長以8萬元投得。