■林愷鈴表示父母對她來說都是好家長，有共同撫養她。香港文匯報訊（記者 梁靜儀）龔慈恩與台灣藝人林煒1999年結婚，二人婚後育有一對仔女，多年來看似幸福美滿，但昨日驚傳二人結束廿年的婚姻，兩年前已分居，而19歲長女林愷鈴及16歲兒子林卓毅，現跟隨母親生活。林愷鈴表示父母分開都有一段時間，對於有指其母是控制狂，林愷鈴否認其事。
昨晚林愷鈴到灣仔出席時裝展開幕活動，同場還有近日盛傳與周秀娜發展姊弟戀的余德丞，以及黃翠如、陳敏之、余香凝及張寶兒等。
林愷鈴受訪時被問到父母離婚一事，她表示父母分開都有一段時間，對她來說是好好的家長，好照顧她，有共同撫養她。有指其父母已分居兩年？她避談說：「 多謝關心，作為女兒，佢哋係好父母，盡心盡力盡責任照顧我，所以我好幸福。」
對於有傳聞指其父已有劉姓新女友？她就不作回應，只說：「留返佢哋自己講，我會祝福佢哋，其實都係好正面， 希望佢哋開心，（見過爹哋女友未？）呢啲留返佢自己講 ，（將來父母各有另一半可會接受？）都會祝福，希望佢哋開心，（會唔會鼓勵媽咪搵另一半？）自己好開放，呢個年代大家都係想開心，我有兩個好錫我嘅父母已經好幸福。」
余德丞生日豔福無邊
問到最初聽到父母離婚會否唔開心？她坦言都不是突然的事 ，大家好理性，現在都是朋友，所以都沒有受打擊，對她來說是好自然的事。對於有指其母是控制狂，林愷鈴否認道：「我唔覺得係，（係咪同媽咪住？）一直喺香港住，（同爹哋有冇聯絡？）當然有，同父母有保持聯絡。」
余德丞受訪時被傳媒恭喜，他叫大家恭喜他生日快樂，9月2日是他30歲生日，問到生日是不是跟緋聞女友周秀娜（娜姐）共度？他笑說：「唔係，踏入2號凌晨，我喺屋企睇足球賽，媽咪陪我睇，同一班港姐排舞。」有傳聞他和娜姐秘戀三個月，他否認二人拍拖：「我們認識咗一段時間，係正常朋友交往，唔係拍拖，自己冇追求娜姐，亦感覺唔到娜姐追求自己，至於將來嘅發展可能性就講唔定的。」他與娜姐住同一大廈，但他表示從未到對方家作客。
另一緋聞女友蔡思貝揚言約他食飯慶生日，余德丞笑說：「我好小器，佢講好請食飯就好啦，我哋會約時間。」笑指他身邊多靚女，問到在蔡思貝和娜姐之間是否難抉擇？他說：「唔係，我擇偶條件只要係女仔就OK，成個娛樂圈都多靚女，入呢行就預咗有新聞，媽媽喺呢方面從無畀意見。」
黃翠如最近由外地工作返港， 她表示回港後發現老公蕭正楠瘦了很多， 因為他在新劇中演一個貪靚的人，所以減了20磅， 問到她可有感心痛？她說：「瘦得滯，都有叫佢食多啲， 但佢夜晚唔食嘢同做運動keep住現在個狀態，我都好佩服佢嘅毅力， 加上佢遲啲又同曹永廉開騷，我專登去買鹹竹蜂， 一包畀老公，一包畀二奶（指曹永廉） ，畀佢哋護聲。」 問到當晚會否上台做嘉賓？翠如坦言從來冇聽他們提過要請她上台，問到是否遭「二奶」阻止？她笑說：「呢個機會都唔細。」