■陳家樂香港文匯報訊（記者 梁靜儀）陳家樂昨日到港台出席「《玩玩星期天》畢得鳥劇場」錄音活動，劇中聲演爸爸的家樂，坦言錄音經驗不多，加上之前跟小朋友傾偈時知道他們上了一個有關課程，都擔心自己的聲線跟小朋友相似，故嘗試壓低聲線去錄音，所以難度就更高。
之前家樂被拍到夜訪緋聞女友陳瀅香閨。家樂否認到上址會陳瀅：「我哋係好朋友，冇拍拖，亦唔係同居，我係去另一個圈外朋友屋企，（有冇順便去探陳瀅？）冇，佢都好忙，要拍兩套劇。」問到二人可有發展機會？家樂笑說：「暫時唔考慮，佢係女神，（好難追？）唔係，未會一齊，（咁肯定？）我怕醜，唔識答，大家都要工作，冇諗拍拖，但如果有機會可以再情侶檔合作，之前合作好開心，希望佢唔抗拒大家再合作。」講到他們的緋聞傳了很久，他解釋：「我哋係有聯絡�H朋友，可能因為咁樣畀人感覺好好啦，其實自己冇咩緋聞，希望個個都唔傳緋聞。」
他又透露稍後將會拍一部電影，目前要等劇本審批，但他已開始做準備要操肌，現時每星期跟健身教練特訓四次，他說：「我仲要飲奶粉練大隻，之前都飲過，但太燥搞到流鼻血，最近轉飲另一隻奶粉，但爆晒瘡，好彩係背脊爆瘡，現在體重已升了五公斤。」