「小獨物」圍法院撐梁天琦 忘「祖訓」：掟樽暴力襲警超錯
在連月暴力衝擊中，不少黑衣暴徒都視「港獨」分子、「本土民主前線」前發言人梁天琦為「祖師爺」。昨日，身為「旺暴」核心人物之一、被判入獄6年的梁天琦，與另兩名同案囚犯在高等法院就刑期提出上訴。香港文匯報記者現場觀察，昨日約500名蒙面黑衣人在法院內外撐場，包括大量蒙面人及身穿校服疑逃學的中學生。 ■香港文匯報記者 甘瑜、張得民、葛婷
2016年農曆年初二凌晨發生的旺角暴動，「本土民主前線」前發言人梁天琦，及同案兩名被告盧建民和黃家駒，經審訊後去年6月因暴動罪及襲警罪分別判囚3年半至7年不等。3人正在服刑，並分別就刑期及定罪提出上訴，案件昨在高等法院開審。
正在服刑、判囚6年的梁天琦，以及判囚7年的盧建民和判囚3年半的黃家駒，昨由囚車押送到高等法院。梁天琦原本就定罪及刑期提出上訴，但其代表律師昨在開庭時指放棄就定罪上訴，會與黃家駒一樣只就刑期申請上訴許可，盧建民則就定罪和刑期提出上訴。
一場黑衣暴力運動，突然就扭曲一啲市民嘅價值觀，過往覺得唔啱嘅嘢，今日突然都值得「擁護」，包括2016年農曆新年喺旺角暴動嘅梁天琦，明明當時社會主流都覺得佢過分，噚日又有人去「護琦」，講到佢好似「暴動之父」咁。
在上庭前一日，「連登」及「本民前」已洗版式號召支持者早上9時到場聲援「祖師爺」，有成員鼓吹當日要「不上學、不工作」，到金鐘當「護『琦』手」，聲稱要「圍爆法院、塞爆法庭」，企圖以人多勢眾向法官施壓。昨日，就有400名黑衣人到場，高呼「港獨」口號及揮舞「獨」旗（見另稿）。
梁曾親自為暴力行為致歉
有見一啲人咁金魚記憶，有人就喺facebook開咗個「梁天琦·時代革命記事錄」嘅專頁，入面記錄咗梁天琦喺庭上嘅言論，包括對襲警感到抱歉、鬧當日同路人掟樽係「行為暴力」、指控無牌擺賣嘅阻街小販等。喂阿哥，梁天琦都懺悔咗啦，乜你哋未知咩？
個專頁似乎開咗唔係好耐，第一個post係8月6號出嘅，內容就係主張「時代革命」嘅梁天琦為暴力行為致歉，因為自己傷害到其他人。同日又出咗個梁天琦變臉post，包括之前話「當獨裁成為事實，革命就是義務」，後來就承認向警察擲樽係暴力，否認呢啲行為係「違法達義」。
為咗脫罪，梁天琦仲批評過同路人，包括話唔認同潛水德國嘅前黨友黃台仰話旺暴當日要「玩大佢」，又話係黃台仰叫衝，仲話自己「身邊嘅人向前推，我好難向後走」。至於咩係「勇武」，梁天琦之前喺庭上就定義，話「勇武」係「心態多於行為」，但有市民可能會「聯想」到武力。
就連佢哋班暴徒自稱嘅「魚蛋革命」，當中賣魚蛋嘅小販都慘被出賣，梁天琦舊年喺庭上受盤問時，認同無牌小販擺賣係犯法，推出馬路擺仲可能觸犯阻街法例添。
其實梁天琦都講得清清楚楚，割席割出楚河漢界，大家仲想捧佢上「神枱」，真係驚佢坐唔穩啊。