【資料速遞】餘皇五班聲大夾惡

2019-10-18

韋達開倉至今，點計都算順風順水，估計保持正常進度，馬房爆倉指日可待，但有件事唔講大家肯定唔知。話說「隨我來」同「餘皇」兩匹馬，表面上唔同主，實際兩邊係好朋友，上季七月中煞科前兩日，雙雙決定離開文家良交俾韋達，嗰一刻韋達計過度過，自己四十幾匹舊馬，加十鬆啲新馬打算入主，五十餘隻得番好少馬格，當時佢唔知暑假期間新馬陸續有來，但又唔想得失呢班老闆，二擇其一之下最終要咗「餘皇」，貪佢好快落五班，今季初出輸一場如佢所願減到四十分，但隻馬上次依然跑四班賽，當時得第三名表現唔差，難得賽後獲減一分，今次落到五班跑自然聲大夾惡。