【資料速遞】巴基之星縮程偷襲

2019-10-18

禮拜日沙田賽事「巴基之星」報爭千二米國際二級賽精英碗，由上仗跑二千四百米冠軍暨遮打盃，變咗減少一半跑千二，究竟掂唔掂，真係等到當日先有答案。不過，睇完精英碗嘅出馬表，如果「巴基之星」真係可以回復水準，或者交返近期試千二米泥閘嘅走勢，贏馬真係唔出奇。事關呢場只得八駒報名，部分實力似乎見盡，包括高廄一對「大籐王」及「有理共想」，而「四季旺」及「信心保證」同樣路程嫌短多少，至於前屆主席短途獎得主「天下為攻」，究竟跑唔跑得番亦屬未知之數，睇吓「巴基之星」今次能否及時復甦贏馬重振雄風。