
香港文匯報訊(記者 梁靜儀)張慧儀從影多年終獲肯定,日前在馬來西亞吉隆坡的《第五屆世界傑出大師頒獎典禮》上,慧儀榮獲「亞洲傑出女藝人大獎」及「最佳服裝獎」。
當晚性感現身的慧儀笑指着晒打底褲,做足「打底」措施。
對於在家鄉得獎,慧儀感到光榮外,還有衣錦還鄉的感覺:「第一次係1992年國際華裔小姐冠軍,事隔二十幾年再次得獎,心情好興奮,同當年都有好大分別,因為當時我立定決心要去香港發展,今次就係二十幾年之後,得到鄉親父老肯定我的工作,所以真係好興奮!」
攞完獎後慧儀即趕返香港,投入演出電影,一直拍到過年,稍作休息後又要拍電視劇,所以今年聖誕沒假放,要等過年才可以返鄉下。雖然工作忙碌,但她笑指自己安排工作時間巧妙,不會冷落愛兒:「我咪等佢返學時就努力工作,等佢放假、大時大節咪一齊過囉!何況佢都大個啦,要畀機會佢學習獨立。」