■陳偉琪春風滿面，自爆多人追。香港文匯報訊 （記者 梁靜儀）處境劇《愛．回家之開心速遞》一眾演員劉丹（丹爺）、羅樂林、呂慧儀、張景淳、湯盈盈、單立文及林淑敏等在「新威龍廣場」開派對，一起食盆菜預祝冬至和聖誕節，並宣佈陳煒（煒哥）加入客串1月1、2日兩集。「細龍太」陳偉琪大談自己感情生活，特別是與方紹聰的緋聞。
「細龍太」陳偉琪（Vicky）近日與方紹聰（奶仔）傳出緋聞，二人被拍到一起放狗，女方又在社交網上載收花相，自爆開工時收到神秘人送99支玫瑰。問到Vicky與奶仔是否拍拖？她即否認說：「唔係呀，激死我喇，我哋放狗啫， 因為嗰隻係唐狗，我支持佢領養唐狗。」說到奶仔好像很冧她？Vicky笑說：「 我阻止唔到人哋......哈哈哈。（係咪追求你？）都算有嘅， 啲花真係唔係佢送。（99支玫瑰邊個送？）神秘人送，一開始我真係唔知邊個送，嗰日返公司啲人話一定係奶仔，就傳到個個都以為係。」
不過她也承認奶仔有發動追求攻勢，間中會致電她相約食飯。問到對奶仔印象如何？她說：「朋友。（派好人卡，即冇行？）咩都係朋友開始。（唔落閘？）朋友。」 她又笑言自己未結婚前，個個追求者都有機會，但他要先拗贏神秘人，因為對方也是追求者。
聖誕將至，她表示還未有約會，但每年大多會在屋企打邊爐慶祝，笑問到要是奶仔和神秘人同時約會她，會應哪一位邀約？她笑說：「要睇吓去邊。（會否安排兩場？）都係食下飯啫。」
煒哥角色長期存在
而加入客串的陳煒直言，開心加入這個大家庭，但因不能對外透露感到很辛苦：「兩、三星期前已經拍咗，拍外景時有街坊見我同《愛》劇劇組一齊都覺得奇怪，但要保守秘密好辛苦。」丹爺亦有投訴：「我仲辛苦，冇機會同煒哥演對手戲，希望之後可以加多幾集，我哋可以合作。」
煒哥表示首次演出處境劇，覺得很好玩，有機會也想拍多幾集。問到劇中的角色時，她就大賣關子，只透露是與接龍集團有關，雖然只得兩集，但有很多不同造型，有霸氣又有委屈，都希望出來效果跟之前客串的歐陽震華同樣有重大迴響。
另外，煒哥表示日內會出發到美國登台，聖誕當日才回港，會在空中過節日，男友因有工作在身，故不會同行。今個聖誕是二人拍拖後首個聖誕，問到男友可有向她詐型？她笑說：「冇辦法啦，工作好重要，不過我都有準備禮物。（化身聖誕女郎送給對方？）唔講呢啲喇！」
張景淳送聖誕禮物給蟹籽
呂慧儀和緋聞男友張景淳一起接受訪問，提到她因一張合照而撮合煒哥加盟《愛回家》客串演出，慧儀笑說：「仲有加少少力水，我問佢得唔得閒，不如嚟同我哋玩吓，今次係好難得機會合作，好有新鮮感。（同佢有對手戲？）梗係有啦，如果我係萬能水，佢就係百變煒哥，佢個造型反差好大，我個角色係有求於佢，而佢會係繼續存在喺我哋集團，有需要時佢又會出嚟幫手。」張景淳則謂：「其實佢係一個長存角色，網民都估過係咪呢個角色。」
問到冬至及聖誕會如何度過？慧儀表示因明年一月起會逢一至日播映，故聖誕也要開工，正在想辦法申請兒子「蟹籽」入電視城陪她開工，希望屆時可以像往年一樣，可以抽空開派對慶祝。
張景淳則被問到可會送禮物給蟹籽？慧儀即搶答：「總之唔好送玩具。」張景淳搞笑指會送教科書。