■王梓軒演技受肯定。香港文匯報訊 （記者 梁靜儀）王梓軒入行十周年演唱會《CROSSING 源．樂》舉行在即，他表示好感恩七年前首次舉行個唱的冠名贊助，不單只撐到底，近日更邀他拍廣告。飲水思源的他亦未有趁機坐地起價，更笑說：「所有資金已經去晒製作度，包括導演自己袋咗落袋嗰啲。」
今次梓軒為品牌代言三個電器產品，包括有電鬚刨、電解水機及智能電視，梓軒更將最拿手玩的Acappella融入廣告中，其中一part同時出現了七個梓軒：「今次個廣告好得意，但我有少少整蠱自己，我哋將三個電器產品，捲埋喺一個廣告中，冇請其他演員，全部都係我嚟，全家都係軒，包含咗好多CG疊影嘅王梓軒，亦有好多音樂，有我最鍾意嘅Acappella，所以喺拍攝時要不斷製造唔同嘅性格出嚟，有時都驚連唔到戲㗎，所以靠大家同我一齊記住，幾好玩！」他今次不單有份演出，亦有份參與度橋，廣告中又會即興跳舞，同時亦會唱廣告主題曲。
問到一次過代言三個產品，是否有三倍酬勞？他說：「呢個真係要問我經理人，因為我暫時未知個收入，或者要問問我哋今次嘅導演。」