■黃建東指媽媽經常失言，引起大家發笑。香港文匯報訊 藝人黃建東（東東）的舞蹈老師媽媽黃葉慧茵 (Diane) 最近與兒子上《流行經典50年》的高貴性感晚裝造型引起熱話，早前生日獲兒子與一眾舞蹈學生舉辦生日舞會賀壽，邀請圈中好友包括劉晨芝 （Adrienne）、白健恩、組合明歌知欽等出席。除咗當晚東東義務為媽媽派對做司儀，好友劉晨芝更為黃媽媽找來兩套晚裝扮靚，東東大表感激：「媽咪平時好少可着呢啲晚裝，好多謝Adrienne幫手搵衫，當晚仲係咁讚媽咪氹到呇n開心，完全融入我哋家中。 （係咪過咗媽咪嗰關？） 媽咪話佢好 nice好sweet，下次要叫埋佢一齊食飯多謝佢，等我聖誕節有假放約下佢先。」東東話希望媽咪教跳舞唔好教得太辛苦，最緊要身體健康和每日開開心心便足夠。
另外，東東常常在社交網站 post出與媽媽的搞笑對話，甚受網民歡迎，其中一則原來是生日當晚黃媽媽與東東好友們閒談中想取笑兒子在家非常「喱啡」不愛收拾東西，說如果兒子肯執拾東西太陽一定從西邊出來，點知口快快講咗「如果阿東肯執嘢太陽從個西度出嚟」，弄得滿堂爆笑，東東話：「媽咪講嘢不嬲唔叻，經常笑料百出，不過就令到身邊啲人非常開心，真係非常可愛。」