■ 張錦程要坐輪椅演出。香港文匯報訊（記者 梁靜儀）張錦程與導演彭秀慧昨日到將軍澳宣傳港台連續劇《沒有牆的世界VII》，與街坊作近距離接觸， 並暢談第一次與殘障人士合作演出的感受。
在《沒有牆的世界VII》中，彭秀慧與張錦程首度飾演情侶，彭秀慧表示張錦程是其大師兄，二人第一次合作是1995年演出舞台劇《 遇上1941》，她演妓女，對方就演嫖客，其後因對方加入電視台又作多線發展而少了聯絡， 相隔多年後再次合作，令她有很大心理壓力：「覺得佢成個人唔同晒，差啲唔認得。」 她又大爆讀書時已聽過張錦程為了做戲好癲：「 記得佢有次為咗做戲令自己性格躁啲，只食肉唔食菜，今次唔知佢食啲咩，同佢合作好好玩 ，好珍惜今次合作。」
要坐輪椅演出的張錦程，表示拍攝前都有跟導演、監製深入研究劇情，更自爆試過炒車：「事前都要練習坐輪椅，我坐部輪椅係運動員用嘅，好多傷殘人士打籃球都係用呢部，操作起上嚟好靈活，雖然好少速度快嘅場口，但有場戲講我好嬲咁出鏡，我唔知部車咁快，因為我冇『烏』前個身，結果翻車，個頭差啲有事，好彩我有條辮墊住卸力，全場人大笑。」
遭投訴常爆肚
談到拍攝趣事，彭秀慧投訴張錦程經常自行加對白：「我有喝住佢唔好自行加對白，不過我哋有默契，一埋位都OK，因為個角色講我哋拍咗7、8年拖， 經常打打鬧鬧，啱返戲中情侶角色。」
問到二人演情侶可有親熱戲？ 張錦程說：「電台劇集有幾親熱呀？」彭秀慧笑說：「冇安排睡房位，永遠都係飯枱，最開心最尾有場戲，講述我要抑壓住咁爆喊，仲要成個人抽搐，令我重拾返演員樂趣。」