居深圳吳先生：為安全都要關
「每日清晨5點起身，6點羅湖開關就趕返香港土瓜灣返工，𠵱家封咗關，惟有經深圳灣口岸來回，時間同車錢都用多咗，封關梗係唔好啦！不過為咗大家安全，暫時封關都要啦！」
居香港王先生：為防疫無辦法
「每星期返深圳一次公幹，知道（今日）凌晨會封關，所以提早去深圳，之後來回兩地就受影響，要兜遠路啦，好唔方便。不過為防疫都無辦法，政府措施都係為公眾安全啫。」
兩地有屋張先生：理解政府決定
「元朗有屋，老婆係內地人，故此常住深圳，每日要返港開工。封關後往來會好麻煩，所以決定立即帶老婆來港暫時同住，估計短期內都唔會再返內地。理解政府封關決定，不過唔係封晒，對有需要市民方便啲。」
居深圳陳先生：填健康申報就得
「每日要返香港開工，好彩從事物流生意的老闆好人，知道封關後即叫我暫時唔使返工住。封關梗係唔好，搞到𠵱家趕過關人又多，又混亂。應學內地填妥健康申報表就得啦。」
■香港文匯報記者 鄺福強