■衛蘭表示正積極做GYM減肥。香港文匯報訊 （記者 梁靜儀）衛蘭（Janice）昨日到電台宣傳新歌《低半度》，她表示歌曲是輕快的爵士風格，歌詞講唱歌不用唱到好澎湃，唱低半度輕鬆很多：「好嘅嘢唔使Show Off，（即係有麝自然香？）That's true，（係咪反映內地歌唱生態？）唔使一定要大叫至感動到人，林憶蓮都有特別風格。」
受疫情影響，Janice的海外工作全面停頓，她表示上次出埠演唱是上月在悉尼開騷，幸好前兩年不停四圍開騷有積蓄，生活都OK。她笑說：「自己唔算大使，最大開支都係做GYM，（所以呢排瘦咗？）冇磅，不過每朝都空肚做GYM，好Work，一星期做四、五次，因為我腹部太多脂肪可消耗， 之後全日食一餐，維持咗兩個月， 開始咗禁食，習慣咗就唔覺肚餓，反而食多會唔舒服，（乜原因推動你減肥？）都係為咗健康。」
新冠肺炎全球持續擴散，首爾亦是重災區之一，Janice坦言都擔心在當地居住的媽媽：「我一月時同個女性朋友過去，嗰時仲未爆發，我都有打電話問過媽咪，叫佢小心，（媽咪夠唔夠口罩用？）都夠用，唔使寄畀佢，媽咪都好少出街，當地最大影響係大邱，媽咪就住喺郊區，所以好啲。」