■任嘉兒圖文並茂講「人血龍門」有幾難食。 網上截圖嫌常餐難食被「黃絲」鬧分化 仲出帖叫人尊重言論自由
香港文匯報記者之前直擊報道「人血龍門（龍門冰室）」好難食，有班「黃絲」係都要話我哋「作文」。事實歸事實，攬炒派中西區區議員任嘉兒今次都幫理不幫「親」，佢喺facebook出帖文，狂插龍門啲嘢難食，話「沙爹（嗲）牛肉咬唔開，同埋唔係沙爹（嗲）嚟、公仔麫（麵）未熟、咩鬼野（嘢）玉子好似蛋好貴咁落得少少蛋」。結果係點，咪又係俾心都盲埋嘅一眾「黃納粹」叫佢刪post唔好講咁多嘢囉。■香港文匯報記者 甘瑜
任嘉兒前晚11點喺fb出post，話自己食龍門（冰室）食到「好想喊」。佢話，自己第一次食龍門（冰室），但個常餐就難食到懷疑自己「係咪得罪咗個廚師」，喺沙嗲牛、公仔麵、玉子都唔掂嘅時候，得返多士同檸茶可以落肚。餓到暴走嘅吤繨隉J「我真係但求有野（嘢）落肚咋！好肚餓吖！但我真係食唔落呀！我依（𠵱）家餓到好想喊吖！」
哦！你分化！一班「黃納粹」又衝咗上去留言鬧佢。「Bigtorres Wong」話︰「唔好食咪無下次囉，駛（使）唔駛（使）專登開post批評黃店？少做呢啲××嘢啦！」「Hang Ng」亦批評︰「你咁分化對唔對得住『手足』啊？食完人血饅頭做左（咗）區議員就搞人地（哋）黃店！」「Andy Leung」質問︰「係（喺）呢個殊死一戰嘅時候竟然話人哋啲食物難食，不分化呢？」
「苦主」齊呻「人血龍門」好難食
不過，有啲時候間曙U難食到一個點，就唔係叫停一個人唔好講就得嘅。唔少苦主喺個post度貼圖同任嘉兒一齊呻。「Kenneth Yeung」貼咗張雞球公仔麵話︰「上年，等左（咗）一粒鐘既（嘅）雞絲撈丁。一大塊雞絲......」
「Ivester Lo」就貼咗個好樣衰嘅沙律︰「$67『廚餘沙律』，一開盒嘅狀況。」「黃振林」模擬對話揶揄︰「碗麵好難食，老闆你落左（咗）啲咩？理念，我落左（咗）啲理念。」
任嘉兒死撐話「飽肚重要」
任嘉兒亦都「底氣十足」，過咗3個鐘再出post論飽肚嘅重要性，重申︰「對唔住都要講句，我啱啱真係餓到崩潰吖，但叫完個餐我仲崩潰呀。」佢仲話，有唔少人叫佢刪post，「香港有言論自由，呢樣嘢係我地（哋）一直捍衞（衛）緊......請你尊重我嘅言論自由，亦都可以unlike（取消讚好）我個page（專頁）。」
「獨人」黎耀駿仍然唔肯放過佢，質問佢係咪因為言論自由，就可以捉鬼、分化、割席、批鬥，「提點同批鬥係兩回事呀小姐，你睇你用咩語氣講先啦！」不過，「Bruce Lee」就幫任嘉兒手反擊︰「而（𠵱）家捉左（咗）張俊傑（龍門冰室老闆）出嚟遊街定打左（咗）佢一鑊？都未綁起叫咩批鬥？」喂阿哥，「黃納粹」獨裁你第一日知咩，瞓咗幾耐啊？