黑暴重臨，港人都擔憂暴力活動會無止境地發生，從事警務工作35年、主要負責刑偵工作的退休警司林桂彬坦言，本港現時的社會風氣變得比上世紀七八十年代更差，因黑暴居然有不少支持者：「有人當打人嗰啲係英雄，殺人嘅仲英雄！」令他感到心寒。不過，他信心滿滿地表示，黑暴定會有完結的一天：「警察無時間限制，打落去，總有一日會平息。」
林桂彬主理過轟動一時的青衣無頭女屍案、寶馬山雙屍案、大帽山撕票案，處理過的大案、奇案多不勝數。他日前接受《點新聞》訪問時則直言，自己對目前的社會風氣和暴徒的兇殘感到不解和心寒。
「以前好多唔同嘅傷人案、謀殺案，我見過有人被割肚，啲腸跌晒出嚟，個傷者搵隻手拎住啲腸坐喺地上等救護車到、等警察到，當時啲人睇完新聞會講點解可以咁殘忍！但𠵱家唔同，黑暴做嘅嘢係極度殘忍，例如放火燒人（李生），用磚頭擲死人（羅伯），唔係黑社會嘅爭執，嗰個人（羅伯）只係適逢其會喺度影嘢，你就掟死佢。但拉到（暴徒）之後，竟然有人支持佢哋，呢個係咩社會？！」
更可怕的是，有一批人竟然將暴徒的暴行「英雄化」：「以前無人會出嚟話啲謀殺犯係英雄？但𠵱家打人嗰啲係英雄、殺人嘅仲英雄；放火嗰啲係英雄、打警察嘅更加英雄，完全變晒，變成同意佢哋呢啲行為。」
林桂彬補充，以前的大賊如葉繼歡等，多數是因為沒有家庭管教、沒有讀書，才會走上犯罪之途，但現在大部分的暴徒都不一樣，很多人都有家人管教、有讀書，黑暴學生卻「多到離譜，以前邊有咁多學生去犯法」。
違法怎可達義 犯法就係犯法
他認為，這種種與煽暴派近年不斷鼓吹「違法達義」的謬論不無關係，並狠批「違法怎可能達義」，強調違法就是違反公義和正義：「犯法就係犯法，你唔好話畀我聽犯法嘅原因，以前啲人犯法無原因咩，個個犯法都有原因㗎啦，但法律無話明你呢個原因犯法就唔係犯法，呢個（違法達義）係你自己作出嚟。」
新警續加入 暴動總會平息
不過，林桂彬強調，暴動一定會完結，因警察執法並無時間限制：「你一路暴動，警察咪一路要去打贏你，幾耐都好，一年、兩年、三年，警察唔會忽然打到累，唔打，警隊不斷有新警察加入，打落去，總有一日會平息。」
■香港文匯報記者 文森