■胡定欣對姪子疼愛有加。香港文匯報訊（記者 梁靜儀）無綫節目《東張西望》為慶祝15周年及邁向4,000集，前晚一眾主持及嘉賓齊齊切蛋糕慶祝，並由高層頒發「人氣之王」給黎耀祥、陳豪及胡定欣，因他們接受節目訪問次數最多。定欣對上一次亮相無綫節目已是數月前的事，她稱最近受疫情影響，順便休息一下，不過已經榮升姑媽的她，每日都過得好充實，更幫弟弟手湊BB、餵夜奶，但經歷過這些日子，令她對未來生B事感到怕怕。
陳豪及胡定欣同被選為「人氣之王」，定欣笑言很好奇有這個數據，而節目內睇到很多昔日大大小小的片段，勾起了很多回憶，感到好難忘。陳豪亦表示節目有很多歷史見證，問到他會否儲存起昔日一些訪問片段？他說：「咁又唔會，生活應該向前行， （有往事不堪回首？ ）其實都可以有好多回憶。」
久未拍劇的定欣，休息了一段時間後再露面，問到她目前是否等約滿？她只說：「同公司一直都有傾，適當時候會公布，加上最近受疫情影響，順便休息一下，呢段時期都有做運動。」她又開心透露弟弟做了爸爸，自己榮升姑媽，BB已經一百日大：「呢段時間見證小朋友成長，我都試過幫手餵夜奶，先發覺原來湊BB真係唔容易。（想生返個B？）經歷過餵夜奶，真係有啲怕怕。」
陳豪暫時3個夠晒數
育有三名子女的陳豪就笑言自己有照顧3個孩子的經驗，可以跟她分享。問到他會否考慮追第四個？他直言不排除這個可能性：「唔係冇可能，隨緣啦，其實都係多雙筷子，自己都好鍾意小朋友，追到個女兒已很美滿，見好就收，（今年內可會有聲氣？）現在環球經濟唔係太理想，而且我想集中火力照顧好3個小朋友嘅成長，湊3個小朋友都好忙，再生BB嘅話遲啲先諗。」問到他一家五口之前可有受限聚令影響，外出有困難？ 他開玩笑說：「我哋一出街直頭被人拉啦！現在放寬咗都可以一齊出去。」提到小朋友復課， 陳豪表示就讀國際學校的兩個兒子稍後便會復課，希望一切都順利。
陳庭欣為男友退股解畫
另外，《東張西望》主持之一的陳庭欣（Toby），加入節目已四五年，問到有何深刻經歷？她說：「其間都發生咗好多難忘及蝦碌嘅事，記得當年講錯咗一句『食燈籠、玩月餅』，每年中秋都畀人重提，仲有最難忘係報道曾守明死訊報到落淚，因為佢離世前幾日先見過面，而之前報道自己隻愛雀去世，都眼有淚光。」
提到其男友楊振源退股健身室，Toby指男友想專注自己的生活用品店生意，而她會繼續出任代言人，加上他們都鍾意做運動，所以她會繼續在健身室出現。她又指現時興網購，之前就為好友孫慧雪的網購生意幫手做燈光師打燈，發覺做KOL一點也不易。