■黃智賢接黎耀祥棒擔任嘉賓主持，跟薛家燕再合作。香港文匯報訊（記者 梁靜儀）無綫節目《流行經典50年》前晚於將軍澳電視城錄影，主持之一的薛家燕以「貝兒公主」打扮現身，而黃智賢（Ben）則接黎耀祥棒擔任嘉賓主持。
家燕姐表示與Ben是繼《真情》後，相隔廿多年再合作，更笑稱當年對方是她的前輩：「《真情》係我復出第一套劇，開工頭幾日就係同佢合作，好多嘢都矇查查，記名都有排記，好多事全靠阿Ben提點，當時阿Ben好勁，出街個個都叫『阿海』，無人叫我『好姨』。好多事都係由佢嚟提點我。」
Ben表示暫未知主持多少集，笑言都怕很快會被監製叮走，希望家燕姐仍念他曾於《真情》孭住她出場，在節目中傍住他。家燕姐自嘲現已重了很多，Ben即賣口乖說：「你係分量愈來愈厚，同妳身家一樣！」
家燕姐又指在社交平台見到Ben和太太一起下廚很甜蜜，並笑問他是否有計劃生B：「疫情期間時間多，食飽可以做咩？飽暖思乜嘢？要搵啲嘢做嘅。」Ben就尷尬說：「留返同你新抱講啦，我哋已經係老夫老妻，最緊要開心。」