■因錄影節目時經常不能戴上口罩，譚嘉儀怕會被感染。香港文匯報訊（記者 梁靜儀）無綫電視城近日因確診新冠肺炎女歌手施匡翹及其宣傳人員曾到訪而需要進行清潔消毒，原定本周二錄影的音樂節目《流行經典50年》都要暫停錄影，有份主持該節目的譚嘉儀，對於疫情再次大爆發亦感到無奈。藝人因錄影節目很多時候都不能戴上口罩，現時疫情嚴峻，嘉儀都很驚會被感染，唯有提醒自己小心：「自己都驚，每次錄完節目就即刻戴返口罩，返到屋企會立即去沖涼，出街衫一定唔可以喺屋企着。」
因新冠肺炎第三波全港擴散，不少市民要再次四出撲口罩及防疫物品，嘉儀跟大部分港人一樣，吸取之前的經驗，家中都會有存貨，她說：「呢半年都有keep住買口罩，買得最多防疫用品係口罩同洗手液，所以暫時都唔使撲口罩，不過我唔會囤積太多物資，將近用晒就再去買。」
親自揸電單車拍攝
談到工作方面，嘉儀直言近半年的工作不多不少都受疫情影響而驟減，幸好仍有份拍公司的節目及劇集，近日她就有份演出幾集《七公主》，劇中更會與戴耀明有「車震」戲份，相當重口味，她笑說：「劇中我飾演飛女，成日去賭錢，因而識咗戴耀明，仲誤會佢鍾意高海寧，我仲打傷高海寧，之後同戴耀明仲由有誤會到生愛意，雖然係搞笑戲，但因為好少拍呢類戲，都有啲尷尬。」嘉儀又表示劇中還會有一場揸電單車場面：「監製知我有電單車牌，特地加呢幕畀我，我仲係親身上陣，兩年前我為興趣去學揸電單車，但一直都好少揸，只係間中約朋友出去兜風，但呢排都好少喇。」