周慧敏(左)及音樂人伍仲衡(中)擔任壓軸嘉賓。香港文匯報訊（記者 梁靜儀）許文軒（Edmond）主持的J2音樂訪談節目《我們的音樂時代》，最後一集邀得周慧敏（Vivian）及音樂人伍仲衡（Harry）擔任壓軸嘉賓，二人大談相識到合作無間的關係，Vivian笑指聽到Harry寫給她的作品《無雙譜》，聽到毛管戙。
伍仲衡表示早在中學時期已為周慧敏鋼琴伴奏《天荒愛未老》，可惜當時未有合照，幸好上天對他不薄，讓他結識到Vivian。Vivian說：「2006年啱啱識Harry，我好多年冇做騷，諗住造隻新歌，不過一定要最鍾意，最啱心水先至會錄，當時Harry的確寫咗首歌畀我，經過一輪考慮，到我話畀佢知我要首歌時，首歌已經賣咗，最後首歌變咗楊千嬅嘅《原來過得很快樂》，既然遇唔到一首自己好鍾意嘅歌就不如唔出，所以嗰次就冇新歌做騷。直到2011年開演唱會我哋先第一次合作，佢寫咗首《無雙譜》畀我，其實我對旋律好腌尖，但一聽個Demo已經好鍾意，好感動，佢嘅作品最令我毛管戙，到佢再寫《咖啡在等一個人》畀我，我亦一聽就滴咗眼瓷C」Harry說：「畀Vivian聽Demo，佢冇感覺嗰啲係唔會覆，即刻覆我嗰啲Demo，真係好鍾意，《無雙譜》佢唔夠2分鐘即刻回覆我Email。」