■ 張穎康一有空閒便會陪伴太太。香港文匯報訊（記者 李思穎）張穎康向來予人一個好男人形象，除了努力賺錢養家，空閒時便會陪伴太太和一對仔女，享受家庭樂，近日他聽到黎明所唱《顧家》一曲，歌詞中的一字一句全道出他作為「顧家男」的心態，更藉以向太太示愛放閃！
張穎康把和太太合照相片放上社交平台，兩人在一間近海餐廳撐枱腳，他留言：「最近揸車無意中聽咗一首歌，聽完之後好鍾意！ 但係揸緊車，梗係無留意到歌名啦！ 幾經辛苦，終於搵到首歌叫做《顧家》，好鍾意裏面嘅歌詞，正正係講緊我想講畀我老婆聽嘅說話，完全表達到我嘅心意！其實我想講我可以做到顧家嘅人，並唔係因為我天生就係個咁嘅人！而係有一個女人能夠畀到一個男人想顧家嘅心，先至係最重要！老婆，多謝你成就咗我做一個咁嘅男人！不過都要同你講聲對唔住，因為我唔會親口唱畀你聽，聽人哋唱感受吓我對你嘅愛啦！老婆！我愛你」。不少網民留言大讚張穎康是好男人，好sweet。