■ 林德信香港文匯報訊（記者 李思穎）林德信（Alex）日前駕駛有30多年歷史的古董七人車為網媒做訪問，他透露古董車是7年前由爸爸林子祥轉贈，其間花上整車的費用，足以給他購買一部新車，不過Alex依然對這部充滿童年回憶的古董車愛不釋手，每日都是「約會」一次出外，好好愛惜它！
Alex細訴跟這部古董車的深厚之情：「呢部車之前係由爸爸揸開嘅，所以我同妹妹都有極多回憶，我記得細個嗰陣，我哋成日坐最後排，向後面啲車做鬼臉！到我手揸都有8年時間，咁多年加加埋埋整車嘅錢，我估都夠晒買一架新車，所以有好多責任！」
縱然古董車開支大，但無阻他對愛車的狂熱，更用「人」比喻愛車，認真瘋狂：「因為香港天氣問題，你一唔揸妠N好易壞，你要好錫佢、好了解佢，你一唔掂佢就會發脾氣，所以我日日都會同佢去一次街。咁多年我Daddy都鍾意揸車，佢好少會畀我車佢，反而得閒會車吓朋友去海灘咁囉，佢哋都讚我手車好，唔會Chok吓Chok吓咁，係一個安全司機。」