電郵護照案底轉交美國務院？ 被指超低能鬼到爆
所謂「居英港人組織」「Friends of Hong Kong」自稱於早前展開所謂的「營救行動」，「協助」鍾翰林等5名「港獨」分子向美國駐港總領事館尋求「政治庇護」，但美領館拒絕幫手，唔少人質疑根本係有關組織要出名來搞「眾籌」，所以老點「手足」去「送頭」。近日，被「抗爭者」稱為「袁爸爸」�H攬炒派KOL袁弓夷開直播，叫班香港「手足」電郵護照副本、聯絡電話，甚至案底資料畀佢，由佢「直接交予」美國國務院，再安排各地美領館協助「手足」「流亡」。唔少「同路人」都質疑袁弓夷的建議冇用，更質疑喺「手足」提交個人資料過程隨時會洩漏其個人資料，叫袁弓夷唔好害死「自己人」，有人甚至質疑佢係「鬼」。有人則認為，袁弓夷此舉涉嫌違反香港國安法，「請問國安處如何處理？」 ■香港文匯報記者 雨航
「袁爸爸」信徒派：
◆Kally Wong：美國橫空出了Trump挽救世界于（於）狂瀾。香港橫空出了「袁爸爸」拯救香港下一代！
◆Amy Li：美國有Donald Trump，香港有Elmer Yuen，香港之父，「袁爸爸」。
◆Fola FU：袁老爸大恩大德，絕對是香港抗爭年輕人再生之父，他身體力行講到做到，令（人）敬佩！
◆Jdhe Gjdd：「袁爸爸」放心，做自己認為對的事，沒有任何事可以影响(響）到您！愛「袁爸爸」的人會分辨真假！
◆sarahho100：謝謝「袁爸爸」用心用力幫助「手足」門（們）渡過難關，成就香港未來領袖人才。
◆Doris Yeung：謝謝「袁爸爸」，身為後輩深感慚愧，要你為港年青（輕）人奔波。
信「袁爸爸」都傻派：
◆Mylinh Tran：到目前為止都未講過一個關鍵性的問題，有關「手足」的旅遊證件被扣，或正在候審，而他們若批準（准）移民，特衰（區）政府會否放人？
◆object71：就算羅冠聰叫我畀passport，我都信佢唔過啦，何況「袁爸爸」。
◆唔得喎大佬：哩（呢）啲KOL聽下（吓）咪算，信佢已經on×，仲要比（畀）埋私人資料佢，大佬呀，佢網上藝人黎架（嚟㗎）喳。
◆Tammy Tsang：就聽吓你狗噏大師噏也×。
◆無帶錢去食飯：唔敢話佢有問題啦，只係懷疑佢有咩能力，可以令國務院改政策，隨便出到「庇護」。
◆杜生：我比較信係袁爸對呢件事有啲naive（幼稚），佢覺得佢既（�H）人脈可以做到呢點，但世界上點會有人敢寫包單一定走到。