袁弓夷叫「手足」電郵護照副本一事引起軒然大波，佢嘅親生女袁彌明則力撐老竇，仲利用「黃絲」不分化不割席嘅精神，叫大家「各有各做唔好再嘈」，仲話「乜都係博一博」喎。有網民睇完即刻心寒，話估唔到佢哋攞「手足」條命嚟博都仲可以講到大義凜然，如果袁家唔係成家黐線，就一定係全家低能。
袁彌明噚日喺facebook反駁攻擊其父嘅人，又暗諷羅冠聰等所謂「國際線」「手足」唔做嘢：「宜（??）家仲有邊個based in華盛頓做緊嘢呢？各有各做，唔好嘈啦。乜都係博一博，博年輕人唔被『送中』咋。」「看到少少漏洞就歡天喜地地大肆攻擊，好得閒？我都想問吓條anti-trump華盛頓『國際線』最近做緊乜，有無updates。我之前都課金了不少。」
鬧亂噏呃Like 袁粉反指妒忌
咁出位嘅言論即刻令唔少「黃絲」網民心寒，好似「Alicia Li」就話：「點解你可以講到拎『手足』條命嚟博係好正常嘅事？」「Boris Kwong Ka Chun」就回覆：「成功咗咪有得做救世主，失敗咗就賴美國冷血，零成本，佢梗係博啦，又唔係佢條命。」
學聯前秘書長陳旻羲更開post大鬧袁家：「神經病，成家都痴（黐）×線。 你唔好話林鄭based in禮賓府做嘢？」「好彩Erica（袁彌明）講一講，唔係我以為佢老竇based in 小欖（精神病院）。」
「Chris Wong」亦批評：「屈晒機。唔係撐侵（特朗普）嘅『黃絲』你就×，宜（??）家你老豆亂up（噏），有人提醒下（吓），你就攞出兄弟爬山。」「Haula Pak」就為袁家「護航」：「以為係陰謀，但更似係真心低能。」
雖然攬炒分子害死「自己人」嘅事屢見不鮮，但至今仲有人撼頭埋牆，一班盲撐嘅「黃絲」真係功不可沒，例如「Kona Yen」唔止撐袁家，仲話反對嘅「同路人」冇用：「批評容易，誰在做？沒有更好的方法的人請閉嘴！有更好方法的人就去做。事到如今，有完全不用冒險的嗎？全力支持袁爸爸！ 袁爸爸為香港人做一日野（嘢），勝過D（啲）廢話人說十年！」「Skye Ling」亦認同：「班友妒忌，無得領功啫。」
■香港文匯報記者 雨航