雖然袁弓夷都算係攬炒派嘅「老前輩」，但佢今次呢番出位言論，令唔少後輩都開聲反對。前「香港大專學界國際事務代表團」發言人邵嵐前晚就喺喺fb叫對方唔好信口雌黃、亂作承諾，但又扮晒好有同情心，話願意相信袁弓夷嘅人一定係走投無路，叫人將心比己，唔好講埋啲「咁都信」「智力門檻」嘅風涼說話。
邵嵐喺fb貼咗一篇總結袁弓夷當日直播內容嘅文宣圖，仲話：「諗嚟諗去都係覺得『妖言惑眾』四個字最貼切。」佢其後再貼文教「前輩」做嘢：「再者無論有無人信都好，根本袁弓夷或任何組織作為有影響力嘅公眾人物都唔應該信口雌黃亂作承諾、周圍宣揚啲誇大其辭嘅言論吧。」
攬炒派沙田區議員趙柱幫就留言批評：「有心無力會害×死人。」「Charlie Kwok」亦批評：「最忌就係誇下海口，會搞到啲人一身蟻，愈搞愈好似世紀騙案咁。」