因涉嫌觸犯香港國安法而正被警方通緝嘅前「香港眾志」創黨主席羅冠聰，近日就喺fb分享「經驗」，不點名批評袁弓夷嘅做法冇用，仲會洩露個人資料，所以大家要「謹慎看待」呢啲網上言論。
羅冠聰喺fb話，對早前有KOL喺影片呼籲希望離開香港嘅「手足」，將個人護照影印本寄送到指定email，再由對方轉交美國國務院嘅做法感到非常訝異，又稱任何時候都唔應將護照影印本交畀「陌生人」，而且根據佢嘅經驗，目前並無呢位KOL所講嘅機制。佢仲「語重心長」咁提醒「手足」：「也許大家都希望在殘酷現實中找出路，但大家應謹慎看待網上言論，並小心避免洩露個人資料。」