民主黨立法會議員林卓廷噚日亦喺facebook話要向袁弓夷「進一言」，但字裏行間疑似鬧緊佢推「手足」去死。林卓廷喺帖文提出3點：第一係面對「國家級監控」，民間電郵通訊絕不穩妥，資料隨時被盜「送中」，「後果堪憂」；第二係佢一直接觸外國駐港領事，認為袁爸爸所指嘅方法並非領事嘅行事方式；第三係香港嘅國安人員一定長期喺外國駐港領事館外「監視」，「甚至部署人手準備拘捕任何試圖進入領事館的目標人物。」
林卓廷仲話，希望各「手足」審慎平衡試圖進入領事館嘅需要同風險，再作「明智決定」，又「希望袁先生考慮收回建議，讓事件告一段落」。