■ 雨僑與羅力威為女兒開了百日宴小型派對。香港文匯報訊（記者 阿祖）雨僑與羅力威婚後於今年八月誕下女兒羅約彌（Harper），近日為女兒開了一個百日宴小型派對，雨僑亦於社交平台分享一家三口幸福合照，她還發長文，說幸福背後，初為人母其實有不少辛酸，但抱着愛女，又感覺一切都是值得的。
雨僑笑言最後也是辦不成老公期待的《龍珠》主題百日宴，但他們一家三口仍度過了愉快的一天。她指由懷孕後期到初生三個月，半年間沒拍片無寫過任何分享，全天候去照顧女兒，在這一百日女兒經常哭，但自己哭得更多，由每分每秒不知女兒為何日喊夜喊，一日嘔濕十幾套衫，鍾意就三日不便便，到知道她有肚風要搓肚仔，人生目標短到只想她捱過一餐奶，不要三個小時在哭：「見到你成條蟮咁fing嚟fing去，個肚一定好痛真係好陰功！」
雨僑又指基本上自己仍是在幻想BB食玩瞓，而為了可讓老公有休息時間，他倆會一個瞓一個躲在廚房抱着BB：「最長試過十四五個鐘無離開過我心口，條頸同對手睇完醫師馬上又痛返，媽媽手已經唔理，係媽媽背媽媽膊媽媽全身，無數個夜晚抱住佢望住個天由黑變光，嗰種感覺真係難以形容，但係相信好多媽媽同我一樣，會覺得自己湊兒女係值得。而且就算有工人幫嘅媽咪都唔會舒服很多。現時可以抱就抱因為佢大個就唔使你抱，望住佢初生細細粒到肥肥白白識笑，真係覺得好幸福。」
雨僑表示收到好多百日媽媽問怎算好，以前問暗瘡、毛孔怎處理，她會教到10個方法，但作為新手媽媽的辛酸，她苦笑：「我真係只可以同你攬住一齊喊，然後咬緊牙關繼續戰鬥。」