●有網民爆粗鬧爆龍門冰室啲外賣盆菜，竟然「成嚿冰咁」畀客人。 「連登」截圖「黃店」盆菜可謂全港知名，出名臭。繼前幾日有「黃店」盆菜相繼被「圍攻」後，龍門冰室都「跟上隊伍」，日前就有網民喺「連登」圖文並茂發帖，爆粗鬧「黃店」龍門冰室嘅外賣盆菜「成舊（嚿）冰咁」畀客人，啲食材仲要縮晒水，跟住又俾人爆出盆菜隻龍蝦變「藍店」罐頭鮑魚。不過呢啲投訴就反俾班「黃絲」圍攻，鬧佢少見多怪，叫佢哋檢討自己，唔怪得啲人成日話，人一黃，腦死亡啦。
「肥矮×毒窮」日前發帖話：「見到龍門有個龍蝦盆菜好似正正常常咁，就Bk（訂）咗今日去荃灣路德圍嗰邊攞啦，點知惡（噩）夢就係咁開始咗。我×你老母，你無×野（嘢）啊？凍嘅盆菜你都夠膽賣畀人？我真係第一次幫襯龍門，真係唔會有第二次。成煲野（嘢）係（喺）雪櫃到（度）攞出嚟硬×到成舊（嚿）冰咁，都唔知放咗幾耐！」
佢又上載咗啲盆菜相，見到啲食材貌似已過氣縮水，「舊（嚿）羅白（蘿蔔）係放咗幾耐先會縮到咁，利申無咬過！」佢就慨嘆：「係咪想食個新鮮熱嘅盆菜係件困難嘅事？定係我幫襯你係個錯誤嘅決定？如果咁都有人護航，我真係無野（嘢）好講......我只不過係見到成盆結哂（晒）冰嘅盆菜，我真係望到懷疑人生！」
「手足」譏苦主「見識少」
不過，佢今次呻「黃店」中伏，睇嚟就無人同情，仲反畀唔少「手足」譏笑「見識少」，話外賣盆菜成嚿冰咁畀人都冇問題。「志士仁人」話：「盆菜真係凍喎，你要加熱食喎。我係（喺）（黃店）時代冰室買都係咁。」「有容」就話：「盆菜冇可能熱！」「港毒之父」都話：「你見識少怪人？自己食到熱既（嘅）全世界就要係熱？」
「肥矮×毒窮」就反駁：「你哋食開凍嘅盆菜，咁你哋有冇諗過新鮮熱嘅盆菜係好食好多同埋有誠意呢？你哋無食過唔緊要，起碼我之前食開都係熱嘅，我係想話畀人知，有人係賣熱嘅有人係賣凍嘅。選擇係（喺）人哋度！」
有網民就笑佢食得「黃店」預咗難食，冇醙（餿）就算好。「6帽王何家成」咁話：「白痴（癡）仔先食『龍門』，明知狗屎仲去食，老闆又×到出汁，抵×死！」「××知法犯法」就話：「我都想講，『龍門』出名難食，你有得揀都唔揀好啲，你自己檢討下啦！不過至少好過（黃店）『初見』，『龍門』都叫做食得落口，『初見』係成盆都唔食得，有酸醙（餿）味，你唔洗（使）成盆掉算好啦！」
除咗呢單，網民「ピピみ」噚日都喺「連登」上載截圖，話自己買咗龍門嘅龍蝦盆菜後，俾龍門用以「航班延誤」為由，以「藍店」嘅罐頭鮑魚頂替波士頓龍蝦，激到「扎扎跳」。佢仲話：「新年盆菜得返3分，海參都未洗乾淨，××××苦架（㗎）！根本就係兩個盆菜黎（嚟），質素差左（咗）好多，做唔黎（嚟）就唔好硬接生意啦，無下次呀！」 唉！盲撐「黃店」就如畫地為牢，到頭來咪害自己冇啖好食！
●香港文匯報記者 黃書蘭