●陳山聰日前接受無綫兒童節目訪問。香港文匯報訊（記者 梁靜儀）陳山聰日前接受無綫兒童節目《THINK BIG天地》訪問，初為人父的他希望兒子遺傳到他對做人的堅持。
去年初為人父的山聰，節目內談到對兒子的期望，曾經歷過失敗的山聰，希望兒子遺傳到他對做人的堅持。山聰說：「做人嘅堅持，因為呢樣嘢天生未必會有，後天堅持係靠自己，所以我希望佢學到點樣自己面對自己，我經歷過好多成功、失敗，人生有好多經驗，全部有人幫你當然好，冇人幫你就要靠自己，你唔靠自己就冇人幫到你，就算有人拉你返上來，你自己唔肯起身都係冇用，都係會跌返落去，呢樣要靠自己熬過去，我細個屋企唔係好富裕，係小康之家，明白Daddy、哥哥都係捱出來，自己學咗呢樣嘢，我𠵱家有嘅嘢都係自己捱返來，捱嘅意思係自己要付出，付出唔等於有正比收穫，但唔付出係咩都唔會有，所以教囝囝要付出先。」
童年陰影 自認怕貓
山聰又自爆很怕貓，這跟童年陰影有關：「細個時候俾貓嚇親，所以我好驚貓，𠵱家就好啲。」他謂當日拍《金宵大廈》知要同黑貓靚寶合作，戲中還要抱起靚寶，雖然牠很細隻，但他都跟監製要求希望不用接觸靚寶，監製亦特別造了兩隻假貓以備不時之需，而他在拍攝之前一個禮拜，每日專誠提早返去同靚寶交流，幸好最後靚寶亦很合作，他亦克服到，可以順利完成拍攝。
到今次拍《金宵大廈2》，他都有跟靚寶溝通，但牠現時大隻及百厭了很多，變得不聽命令，他便對牠說：「阿蕭（劇中角色）𠵱家同你拍個shot，你乖乖哋喇，牠真係伏喺我度冇郁，所以有時覺得貓都唔係咁得人驚啫。」