●張國鈞喺fb發帖文，並Hashtag「老虎頭上釘蝨乸」、「切勿以身試法」。 張國鈞fb截圖2019年黑暴期間，唔少「黑記」與暴徒為伍，噚日全社會為「全民國家安全教育日」奔波，點知竟有一名港台「兼職記者」喺香港警察學院附近身藏兩支仿製手槍俾警員斷正被捕。唔少網民覺得呢啲行為係公然向警方挑機，要求警方檢視香港國安法執法的漏洞，而且要對記者資格進一步規管喎。
「全民國家安全教育日」發生咁嘅事，都好值得社會反思。民建聯立法會議員張國鈞噚日就喺facebook發帖話：「想挑戰國家安全，測驗一下我哋警方安檢有無漏洞？有唔少網友就話港台自編自導『搜到：有機會小事化大，製造寒蟬；搜唔到：有機會話保安鬆懈，如何國安』大家點睇？」佢仲Hashtag「老虎頭上釘蝨乸」、「切勿以身試法」。
至於被捕男子自稱係港台「兼職記者」，但未能即場出示記者證，仲聲稱有關氣槍係前日做「微電影功課」嘅道具，只係噚日要替港台到香港警察學院採訪而未及收拾（背囊）。「Connie Kok」就質疑：「記者喎！唔係戲劇組，會有道具？」
「Wong Yuet Kwong」就打比喻：「D（啲）道友響佢身上跌左（咗）粒白粉，跟住同人講話昨天食完唔記得扔左（咗）佢！」「Khun Chai」就話：「拍攝，信佢一成都雙目失明啊！」
唔少網民就認為，應確保記者資格受到合理規管，避免新聞自由遭反中亂港者濫用，亦有網民認為，涉事記者的紀律操守有問題，港台亦責無旁貸。
●香港文匯報記者 黃書蘭