●黎諾懿和陳敏之擔任《Master's Talk師父有請》的嘉賓。香港文匯報訊（記者 文芬）《Master's Talk師父有請》第11集請來黎諾懿和陳敏之做嘉賓，大談「驛馬」這個主題。主持人麥玲玲憶起諾懿當年事業低潮期，正是接到湖南衛視的《舞動奇蹟》後回港才接到《愛．回家》，敏之大讚諾懿是舞王，當年得到第一名，諾懿笑言：「我都唔知自己原來有咁嘅才華，（即場表演？）你當我舞男呀？話跳就跳！不過如果講返7至8年前留喺當地發展，可能港普會好好多，識返個女仔發展一下......（點解返香港？）因為我太愛TVB喇，坦白講，都唔係一個咩秘密，其實在娛樂圈浮浮沉沉咁耐，諗住做完《舞動》呢個騷就算，因為節目畀嚿錢都幾大。其實都係完全無心插柳。湖南衛視大改革，其中兩位係我粉絲，叫我上去跳4集。」他表示幸運遇上對手是金晨，對方剛由北京舞蹈學院畢業，跟他組成「一諾千金」組合，敏之笑他是「一落千金」，諾懿說：「你唔好理個名，跳4集遇到好拍檔，一路殺落去，最後11集才完。（唔留低發展？）當時年少，覺得邊度跌低就邊度起身，有啲唔甘心。」
被問到有否試過發展異地戀？主持林盛斌（Bob）追問他有否追過金晨，黎諾懿答：「佢太細個，當時得18歲，你當我禽獸呀？我試過台灣異地戀......」陳敏之立即稱知道是誰，Bob即時追問，但敏之着諾懿親自回答，諾懿笑言：「林志玲呀嘛！所有嘢都好完美，但講個電話都要夾時間，長期要買機票，所以只係維持咗半年時間。」