●「初見」澄清「徐記」母親節套餐早在上月推出，與其無關，但照被「軍火佬」狙擊。 fb截圖香港文匯報日前報道，攬炒派嘅「軍火佬」針對黃店「初見」代訂另一黃店「徐記廚房點心」嘅母親節套餐嚟鬧，暗示佢特登賣貴過原價，過河濕腳食水深，網民都加把口鬧個套餐食啲濕奀餸就要價831蚊好離譜，係食人血饅頭。面對「軍火佬」嘅狙擊，「初見」就選擇將原本宣傳代訂嘅帖文刪除，仲擺「徐記」上枱，話一切都係「徐記」做嘅，與佢無關喎。有網民亦踢爆，呢個根本就係「徐記」嘅原價，仲揶揄「軍火佬」只係針對「初見」，「唔知（仲）以為『初見』搶過『軍火佬』條女。」黃人黃店不嬲為咗利益你插我我插你，今次睇怕極可能又係涉及利益關係囉。
針對「軍火佬」同網民喺「初見」代訂另一黃店「徐記」一事上猛咁開火，「初見」日前喺facebook發帖，話「徐記」嘅母親節套餐一早就喺4月28日推出，個價錢亦係賣831蚊，根本同「初見」無關：「『初見』只是看見『徐媽媽』時常支援年輕人，所以才幫忙宣傳。」
咁即係話，真正人血饅頭食水深嗰個係「徐記」啦！「初見」喺帖度仲放埋「徐記」原帖文嘅連結，擺返始作俑者上枱，但就假仁假義地咁講：「希望大家不要再攻擊『徐媽媽』。」
明明啲網民係鬧緊個套餐賣831蚊咁貴，而且用「831」嚟做噱頭令人反感，但啲網民不但冇鬧「徐記」，反而繼續狙擊「初見」，「軍火佬」就開live狙擊，話「徐媽媽」係「俾初見擺上枱」「被代表」。有人話個餐貴，佢就好厚面皮咁講：「食理念冇得平。」咦，咁你之前又鬧「初見」食水深嘅？開高價嗰個反而唔鬧？
網民：以為「初見」搶咗奀齯k
網民「黃心」睇唔過眼留言：「但我見係徐媽媽係（喺）4月已出post ；今次應該唔關初見事喎！」「黃筠婷」亦話：「個餐係直接同徐媽媽訂，咁（係）佢地（哋）set 得貴。」「Cw Ch」質疑：「咁軍火佬都好有心想整死人喎，有曬（晒）証（證）明都可以繼續××初見......遲知道唔緊要，不過佢真係咬住『初見』唔放喎，唔知以為『初見搶過『軍火佬』條女......好奇一問點解件事係『徐媽媽』問題之後，仍然可以繼續講係『初見』問題呢？應該係『初見』好蝦d（啲）？」
呢班黃絲咁樣內鬥，背後有咩原因就不得而知，但作為局外人嘅，最聰明嘅做法就係對呢啲黃圈中人敬而遠之，更加唔好諗住貪佢哋只問立場不問是非、經常盲撐而以為佢啲錢易「呃」，因為你唔知呢啲無是非觀嘅人幾時會同你反面，到時就得不償失啦。 ●香港文匯報記者 郭家好