 放大圖片
■歐錦棠(右)痛悔沒學急救，沒能給烈哥及時伸出援手。 電視畫面
【本報訊】（記者 李思穎）陳鴻烈人生如戲，他也萬料不到突然猝死，烈爺生前人緣甚佳，不少藝人聞悉噩耗均感惋惜，特別跟他正在合作《畢打自己人》的演員，猶如痛失親人，心如刀割。陳鴻烈病發時，歐錦棠正在旁，沒料數小時後便陰陽相隔，歐錦棠難過得泣不成聲，昨日他接受查小欣訪問時，難掩哀痛之情，期間更忍不住喊。自言心情OK的阿棠哀傷講述陳鴻烈病發經過，一度自責沒有學過急救。
他語氣沉重地說：「當時拍完一場戲去換衫，我換完便返入廠，烈哥換得比一般時間耐，後來郭少芸同我講：『哥哥，睇下爸爸好似唔舒服』，後來我見佢係服裝間坐著休息，發覺他面好青，問佢咩事時，他已不能說話，呼吸開始困難，我上去解開他衫鈕，想同佢解開埋條褲，等佢呼吸可以好一些，點知解開衫鈕之際，佢狀況突然急轉直下，呼吸困難，身體抽搐，開始慢慢失去意識，我知好嚴重，立刻扶住佢，唔想佢暈倒，又叫在場人士報警，我好後悔無學急救，不懂做人工呼吸，見佢菍不到氣，我便以中醫的穴位方法讓他紓緩呼吸，間歇做刺激心臟，但一對手做不到太多，我一直叫住佢，睇到佢好掙扎，佢好想說話和呼吸，但佢做不到。後來公司保安到達幫佢做心肺復甦，我仲摸到佢無了脈膊，後來烈哥便由救護車送到醫院，我們便留下來等，大家都驚惶失措，等待公司指令，有些同事就要向警員給口供，之後我們去到醫院也是等消息，大家落去醫院飯堂，坐不到十分鐘便收到烈哥走了消息，之後見佢最後一面時他已經走了。（有說你一直捉住烈哥的手？）唔會，在ICU無可能入到去，相信烈哥不是太痛苦，見佢遺容是沒有痛苦的。」
|
放大圖片
