 放大圖片
■黃智賢坦言心中演戲那團火仍在，只等上位機會。
04年再回歸無線原因好簡單，就是要和拍拖廿多年的圈外女友結婚。回到TVB，很多人、事、物也變了，早前和馬國明合作，二人閒聊起，阿Ben才知道原來他走的那年，馬國明才剛入行。「那時候要和太太結婚組織小家庭，總不能婚後一年有8個月不在香港吧。
回到TVB感覺就像改朝變代，好多事都不同了。有時記者朋友們都會問，會否羨慕祥仔(黎耀祥)、麥包(麥長青)從配角愈做愈正？現在的我不會再有不甘心、忿忿不平的感覺。祥仔的演技好就係人都知道，我睇過佢拍第一集《巾幗梟雄》，現場看他演出，真令我拍案叫絕。佢都做咗咁耐配角，別人捱到，為什麼我捱唔到。從而更加體會到機會的可貴、角色的難求。看到麥包的出頭，令我更開心。他比我早入行兩年，當年我倆一起主持《閃電傳真機》。」
做配角發揮空間更大
阿Ben坦言做配角有時發揮空間反而更大。「因為編劇寫劇本只專注著眼主角，配角只寫兩句，交待背景，好多時演員自己要去諗個角色點做。這反而令我認清自己不足，也知道自己不是最叻。要演好一個角色不難，要搞掂自己的心態才最難。例如你叫我去演楚留香一定沒可能，我深信沒有人可以演得好過秋官(鄭少秋)。所以現在的我好知足，反正和太太已有共識，不會要小孩，公一份婆一份，生活得幾開心。做人不要把自己看得太重要，尤其在大公司中，好多事無得問點解，我只希望自己假以時日，像祥仔、麥包一樣被人受落。」
|
放大圖片
