|
香港文匯報訊（記者 鄭治祖）在香港大學百周年慶典期間示威，並聲言期間「被禁錮」的香港大學學生會幹事李成康等3人，到法律援助署申請法援，準備向警務處處長曾偉雄提出民事訴訟，並索取「象徵式賠償」。不少市民對李成康竟申請法緩「控告」警務處表示不滿，質疑他有濫用法援之嫌「要告就用自己錢」，又質疑其代表律師、民主黨主席何俊仁已宣布參選特首，是次只是為了「博出鏡」。
李成康等3人昨日在何俊仁陪同下赴法援署「申請法援」。李成康稱，是次行動是要抗議警務處處長將警方在當天以「武力」對付學生的責任「推卸給校方」，稱希望透過法庭審訊，公開、透明釐清責任。同時，聲稱為「麗港城居民」的黃健，亦揚言會循法律途徑追究警方「沒有足夠理由」就將他帶走。
指「正義律師」應不收分文
在網上討論區，市民紛紛留言，質疑李成康等人何以要申請法援。「bobbychai」說：「你要告就用自己錢，如果畀法援佢，輸咗都係無責任，咁咪贏梗？」「sinintheworld」亦怒道：「點解要申請法援？有『正義』的律師何俊仁協助做『正義』的事應該分文不收，白鴿（民主黨）及公狗（公民黨）咁多『正義律師』無一個肯唔收錢打官司？話晒佢哋都有議員收入，收唔收錢打官司都唔成問題，為市民服務嘛！」
「ken393」就批評道：「真係天方夜譚，法援署唔應該接受佢哋申請，嘥納稅人的金錢，佢哋分明賊喊捉賊！」「cs2016」則笑言：「乜×都申請法援，等我都搵個獨居亞伯申請法援告×公狗黨（公民黨）包攬訴訟。」「brug」就揶揄道：「李成康要求象徵式賠償。乞兒，我象徵式畀一蚊你，唔使申請法援！」「omgking」亦說：「呢啲咁嘅人，一蚊都畀多佢！應該要佢輸官司賠堂費，同埋應該禁止佢哋申請法援！」
疑何俊仁為選特首乘機抽水
有市民則「踢爆」有關人等另有目的。「ChekNapKok」說：「何俊仁選特首啦，乘機抽水博出位！」「百夫長」說：「馬尿康（李成康）唔敢去刑事投訴非法禁錮，只係夠膽申請法援告一哥，因為刑事投訴嘅舉證要好真實及嚴謹，而民事訴訟嘅舉證就簡單好多，簡單啲講句，隔鄰屋大聲啲講嘢，你都可民事訴訟佢影響到你，要求賠償……剗家馬尿康只係去民事訴訟，好明顯知道唔夠料，而且用法援，又係政府畀錢打自己，勝訴與否對佢毫無損失，只係益咗班訟棍！」
|
