 放大圖片
■陳冠希昨日新店開幕，好友徐濠縈前來支持。
香港文匯報訊（記者 植毅儀）陳冠希（Edison）昨日到尖沙咀出席自己新店開幕，同場還有老友徐濠縈、何志恩等，陳冠希又入鄉隨俗拜神及為舞獅點睛。問到Edison今次新舖投資多少？他表示不清楚，自己主力creative（創作）那邊，之前在附近開pop-up store成績好好，但因為商場轉型，所以要搵新舖。他說：「因為公司01、02年開第一間店，就係喺呢度，今次返嚟再開新店，特別有意思。（女友Ann有來支持？）佢因為要返學，所以沒到。」
陳冠希大方回應被網民嘲弄為「牙籤」事件，他說：「我之前返北京拍戲，在片廠好悶，在網上無聊地回應咗，意思是希望別人尊重我的空間。我沒迫人睇我啲嘢，睇完點解咁負面？嗰度係一個positive的地方。（你網上呼籲大家幫佢『人肉』呢個網民，算唔算網上欺凌？）佢講嘢negative，唔負責任。我歡迎人在我面前講，網上講，好小朋友feel，面對面就可以溝通。」
至於問到被叫做「牙籤」可會生氣呢？Edison笑笑口話：「我唔可以話晒全部人，大家有眼睇，我冇所謂，男仔知呢啲嘢。牙籤係用來放入口的，他們咁樣諗起我，我多謝他們。」
阿徐放棄逼Eason跑步
至於好友徐濠縈就表示網民評論是惡意攻擊，叫好友不好畀反應，免蝕底，因為網民是看到你嬲，他們更開心，應該大方扮睇唔到。提到Edison被人公開嗌「牙籤」？阿徐就說：「佢咁靚仔，唔諗牙籤都諗到佢。不過呢，牙籤都係日日用的。」
阿徐表示下半年在K11開新店，稍後去蒙古跑步籌款，又計劃暑假帶個女練跑，她說：「由半公里起步，阿女夠高腳長，唔好浪費人材，希望可以發揮她運動細胞。其實最想個女健康，事關佢同Eason兩父女輪住病。(會否叫Eason一齊跑？)你們幫手叫佢啦，我捉唔到，放棄咗，等佢冇咁忙先。」
|
放大圖片
