 放大圖片
■張家輝硬食Janice Man的「較剪腳」。
香港文匯報訊 電影《赤道》除有張家輝、張學友鬥智鬥力鬥戲之外，還有文詠珊（Janice Man,JM）、余文樂、池珍熙、崔始源及張震的槍戰動作場面，不過其中一場戲是張家輝被Janice Man三招煞食較剪腳及單手插眼打殘，令人對初演反派的性感打女JM刮目相看。
英勇神探張家輝與心狠手辣殺手JM在戲中有場激烈勁打場面，家輝本來以為打女人易過借火，誰知打女人是沒有好結果，雄赳赳的家輝竟然被JM打到爆晒缸，JM三招煞食較剪腳鉗到家輝有氣冇定抖，更來多一招手指插眼，由車頂打到落地下，拳拳到肉。穿着小背心的JM打得勁落力，原來她在接拍《赤道》後便專心拜師學武，到打女前輩楊盼盼開設的武館受特訓，每日拉筋打拳。
家輝笑說：「嗰日拍完之後JM就同我講：『好彩冇事，我諗到同你拍呢場戲，我好驚呀，驚畀你打親呀！』其實嗰場戲係JM打到我嘔電還唔到手呀，不過替身都分配得幾好，佢嘅身手好敏捷，可以做新一代打女！呢期都冇乜女演員打得，JM要挑戰楊紫瓊要再努力學武。」
家輝不把JM當女人
JM為了和家輝拍這場激打戲，她亦做足功夫，她說：「大家要如何度位，又要保護大家不要受傷，因為場戲好多翻筋斗跌落地，經過好多重障礙，所以拍之前都好緊張，有時會驚受傷。不過做演員一定要專業同豁出去，我好大膽地經過一名曾當過美軍的老師訓練之下完成咗呢場戲，我同家輝哥只排咗幾次，之前我係自己一個人同替身去練習， 因為我冇乜呢啲動作經歷，家輝哥就好有經驗，所以我哋都好順利咁完成！」JM又笑說，家輝拍這場戲沒有當過她是女人，因為大家也打得好狠。
與七位型男王學圻、張學友、張家輝、張震、余文樂、池珍熙和崔始源合作，JM坦言與張震最合拍，她說：「因為我哋對手戲最多，成日一齊行動，好有火花，而戲中好多槍戰鏡頭，加上我哋曾經拍過戲，有默契。」
|
