■結婚多年，Kelly不諱言已無精力去製造驚喜。香港文匯報訊（記者 梁靜儀）陳慧琳（Kelly）與張智霖(Chilam)昨日出席月餅代言品牌活動，出任品牌代言人已十年Kelly，笑言酬勞不俗，絕對可以夠蝦餃仔交補習費。父親節將至，問到Kelly與兩名兒子如何慶祝？她表示老公日前剛過生日，已送了驚喜給老公，就是與兒子整炸雞沙律壽司便當給老公，老公一打開就很有驚喜。不過Kelly坦言不是她親自下廚，她只負責度橋，問到她為何不親自下廚？Kelly坦白說：「如果我煮就食唔落口，咁無理由送薯仔炆雞，唔夠型。」結婚多年，Kelly不諱言已無精力去製造驚喜，平日老公見到自己鍾意的就會自己買。她又指老公與兒子有上網玩虛擬遊戲，可能會叫大仔在打機時整些驚喜給老公。
問到Kelly結婚周年可有慶祝？Kelly說：「等十周年先，仲有四年，（可有七年之癢？）拍拖十幾年，我都癢完痹晒，唔知隔離嗰個有無，暫時都未有蛛絲馬迹，睇得出佢啲時間畀晒兩個仔。」肯生女的Kelly被問到會否再生B？她即說：「No thanks！好肯定，(有意外生唔生？)好鬼老，意外都會生。」
Chilam昨日從寧波完成電影回港，他自言上半年都好勤力，除了拍攝真人騷及真人騷，又做巡迴演唱會，所以將會放兩個月大假，剛巧兒子又放暑假，所以會去歐洲及馬爾代夫旅行。問到老婆袁詠儀(靚靚)是否會同行？他笑說：「唔預佢想死咩？（不怕去歐洲老婆買包包會大出血嗎？）所以我傾向陽光，海灘，食吓嘢的地方。」早前靚靚在真人騷節目內向他表白，Chilam不諱言好感動，睇返都忍唔住喊，不是好敢睇。問到他如何慶祝父親節？Chilam指父親在澳洲居住，所以會校準時間同爸爸視像通話。問到兒子可會給他送禮物？他笑說：「所謂羊毛出自羊身上，做吓小勞作得，佢之前都整過張卡，已經好滿足，心靈滿足好緊要。」