■伍姑娘（右）挑戰幫「BB」換尿片，居然不慎把「BB」弄至墮地。香港文匯報訊（記者 梁靜儀） 伍詠薇(伍姑娘)為有線主持的《伍姑娘真識食》昨日請來潮媽周汶錡(Kathy)擔任嘉賓，並宣佈節目添食七集。活動上大會安排伍姑娘及Kathy示範幫公仔換尿片，伍姑娘自嘲連蛋都無隻，之後又不小心將公仔掉落地上。
事後伍姑娘受訪時說到她生仔問題，她笑說：「人來的，點生蛋？我經歷過十二生肖想生小朋友，有時想生有時又唔想生，直到三十六、七歲，我同老公練海棠商量過係咪要為生小朋友而生，考慮兩年決定過二人世界直到老死，我同老公都係自由奔放的人，我仍然係匹野馬，如果生小朋友就要重新適應，希望老公當我係BB湊我到老死。」
節目添食，伍姑娘坦言酬勞亦有加碼，是個合理及驚喜的價錢。她又表示節目於七月底拍完，歡迎各平台找她。問到會否再次考慮無綫？她說：「我同TVB關係好好，遲些會上《Sunday好戲王》。」對於曾合作拍電影的鍾麗緹已答應男友張倫碩求婚，伍姑娘恭喜對方說：「如果係真愛又係時候why not？就算結多過一次，只要兩情相悅，唔需要理旁人點睇，go go go，恭喜Christy。」
問到周汶錡會否放心讓伍姑娘幫手湊囝囝，她笑說：「真係要諗吓，歐陽妙芝同李嘉慧有經驗信得過，囝囝再大啲，會黐伍姑娘多。」她表示兒子十一個月大了，開始學叫爸爸媽媽，在她心目中的地位就快超越老公。問到下個月如何慶祝兒子生日，她說：「買個蛋糕，(慶祝埋父親節？)無諗過。」問到她可會讓兒子拍廣告？Kathy笑說：「一定要叫埋媽咪一齊，唔係就唔畀拍，我好專制，講笑咋，（可會追多個女？）好，加油！」