「本土民主前線」發言人「獨琦」（梁天琦），被選舉主任裁定立法會選舉提名無效，竟指定由「青年新政」召集人梁頌恆出選「Plan B」而唔益「熱普城」，「熱普城」支持者早已唔順超。近日，所謂「聰明選民」排除了「熱普城」參加「對談會」，但「青政」的新界西候選人黃俊傑卻赫然通過傳統反對派的「篩選」，有份參加有關的「對談會」。有「熱狗」揶揄「青年新政獲戴耀廷飯民（泛民）認證，可喜可賀」。激進「本土」內訌，真係花生食唔停。
所謂「聰明選民」以「建制派」、「非建制派」作為篩選準則，只准「非建制派」參與，涉嫌觸犯選舉法例。但同時，這篩選準則也辣着了「熱普城」：因為他們連「獲邀」的「資格」也沒有，自是㷫過火屎，更令他們着火的是，他們一直不滿「獨琦」過票「青政」候選人都獲「聰明選民」揀中參與「對談會」，可謂「新仇舊恨」，一次爆發。
未獲邀赴對談會 「熱普城」唔順超
「熱狗」之一「Edward Ho」就以《青年新政獲戴耀廷飯民（泛民）認證，可喜可賀》為題發帖稱：「『聰明選民』......每區都會搞一個『參選人對談會』，港島前日做完，新西就大後日星期五做。嗱，呢個『參選人對談會』係有篩選既（嘅），只有佢地（哋）認為係『真民主』參選人先會獲邀參加，而受邀既（嘅）清一色都係飯民（泛民），社民連同『人力』都有。」
他續稱：「熱普城陣營，係一個都冇既（嘅），唔係佢地（哋）自己唔去，係根本冇請，『聰明選民』個官方網頁咁寫架（㗎）。至於成日俾人話係新飯民（泛民）既（嘅）青年新政，原來都係受邀對象喎，仲四區全部應承出席。嘩，『聰明選民』請得既（嘅）都係飯民（泛民）自己人，即係戴耀廷都當青年新政係飯民（泛民）喎，Q嘜認證，羨慕死人。」
寸左中右逢源 「四區當選不是夢」
「Edward Ho」又稱，「雷動會喺投票日向佢地（哋）access到既（嘅）選民發出配票指示，『聰明選民』預埋青年新政，即係佢地（哋）都有可能得到雷動配票。飯民（泛民）票又拎啲，同『本民前』粒瀨尿牛丸又食埋本土票，再加埋雷動配票，左中右逢源，四區當選不是夢，我真係恭喜佢地（哋）呀。」
另一「熱狗」「David Chang」也發帖，指「青政」有份參與「對談會」，「熱狗」蟲泰（鄭松泰）就在帖中留言稱：「（對談會）無搵過我，sosad！」「David Chang」就稱，「佢一陣改口話『有請，你唔到』架（㗎）喇。」「熱血公民」首領狗達（黃洋達）之妻「皇后」（陳秀慧）就留言道，「佢有晒CAP圖回覆的了。」 ■記者 羅旦