■羅仲謙婚宴上扮鬆弛熊唱歌，楊怡表示事前不知道。隨香港文匯報訊（記者 梁靜儀）楊怡與羅仲謙前日大婚之喜，不少圈中朋友到賀，就連挺住巨肚的謝安琪亦出城去飲，可見一對新人人緣之好。婚宴上新郎扮鬆弛熊唱《分分鐘需要你》，令到不少賓客及楊怡都感動到喊，林峯更大讚有心思，好sweet。謙仔昨日和太太離開酒店時接受訪問，楊怡表示不知道老公扮熊，結果當鬆弛熊出現時，竟一度以為扮熊者是林峯，點知一望對鞋，就知是謙仔。
羅生羅太昨午以一身黑白情侶裝離開酒店，兩人談到前晚婚宴高潮位之一，羅仲謙扮鬆弛熊送驚喜，謙仔笑說：「因為婚宴的事都係阿怡做晒，想畀啲驚喜吽A所以扮公仔，初初追佢都試過扮公仔，但當時係唐老鴨，今次係熊，兩個佢都鍾意。」在旁的楊怡即冧笑說：「真係幾驚喜，開頭問佢有乜嘢驚喜可以畀我同啲賓客，佢話冇，我叫佢唱歌，佢話冇練唱唔到。」由於事前楊怡不知道羅仲謙扮熊，結果當鬆弛熊出現時，楊怡竟一度以為扮熊者是林峯，點知望吓對腳，就知道係佢。羅仲謙即笑說：「係囉，唔記得換鞋好失策。」談到感動位，楊怡指扮鬆弛熊的確很驚喜，但論感動位，是簽紙儀式，因為兩人平時很少說到結婚誓言的內容，她謂：「我們好少講呢啲嘢，姊妹們都話未試過咁感動，喊完又喊。」
馬仔讚「契妹」戴金豬高貴
馬浚偉(馬仔)大手筆送上五両重金豬牌畀「契妹」楊怡。離開時馬仔透露婚宴氣氛好開心，好感人，特別是一對新人答謝雙方家長時場面最感動，親情就是最感動，而一對新人都好sweet､好浪漫。馬仔笑言睇住楊怡長大，她畢業後第一個作品第一首MV就是跟他拍。說到他大手筆送上金豬？他笑說：「其實一早應承會送金豬，不過佢(楊怡)估唔到我送咁大抽金豬畀佢，那九隻豬三隻大拉住六隻細，見佢戴金豬都咁靚咁高貴，都好戥他們開心，佢媽媽都好開心。」
林峯單拖到賀稱未想結婚
林峯前晚單拖出席楊怡的婚宴，散席後接受訪問，解釋女友與楊怡不認識，故未有出席。他又透露場內氣氛感動，因很少見到一對新人由頭到尾都感動到不停喊，男女雙方都好感動，令到大家都好感動。他又大讚新郎謙謙扮鬆弛熊很正：「因為大家都唔知嗰個就係謙謙，好有心思，好sweet。」與女友感情穩定的他被問到計劃何時結婚，他就表示未到這個時機，目前都是努力工作。
卓羲浩信頂酒以不醉為主
吳卓羲與王浩信二人擔任兄弟團，離開時一齊接受訪問，婚宴上卓羲帶領扮鬆弛熊的謙仔出場，他表示也是到場才知，並非事前夾定，因為都幾神秘，問到是否很感動？他說：「我都喊，其實簽紙註冊嗰part都好感動！」王浩信指謙仔簽紙講肺腑之言時好感動，他講第一句時已哽咽。卓羲表示第一次做兄弟，他與王浩信的職責就是頂酒，都是飲紅酒，但以不醉為主。他又大爆謙仔酒量麻麻，飲一罐啤酒就醉。有做兄弟經驗的王浩信，笑言當晚也是盡量頂酒，但也不是飲好多，最緊要是一對新人開心。