■溫拿與太極到電台宣傳演唱會。香港文匯報訊（記者 梁靜儀）本地兩隊殿堂級樂隊溫拿及太極，將於明年一月合作舉行演唱會，昨日兩隊樂隊成員到電台宣傳演唱會。由於演唱會反應好，彭健新（健仔）更透露已有不少客戶邀請他們出埠舉行巡迴演唱會。
溫拿與太極分別是上世紀七十年代及八十年代的樂隊，太極笑言是飲溫拿奶大：「我哋聽好多溫拿嘅英文歌，起初都唔知溫拿係中國人，校長個樣鬼鬼哋以為佢係外國人，健仔彈結他又Chok，中國人好少彈到咁Chok！到後期至知佢哋係中國人。」健仔聽罷即笑謂演唱會時會更Chok。
他們又透露演唱會流程已準備好，太極說：「我們已放棄揀自己嘅歌，只一心揀溫拿嘅歌，好多歌想聽，想專心睇騷。」健仔笑指他們當是去聽歌。太極指很喜歡《Making It》，健仔笑說：「梗係，我作嘅！」由於今次兩隊樂隊總共有十一人，健仔指揀歌時大家都很興奮很吵，但沒有火藥味，好有互動，今次兩隊樂隊開騷亦好難得！由於暫時只演一場，眾人都有飛債在身。