邊個會想生個小朋友，變到好似「青症雙邪」游蕙禎同梁頌恆咁？明明一句直白事實，歌手蘇永康（阿公）日前講咗出嚟之後，一眾激進「本土派」同「獨派」支持者嘅玻璃心碎到一地都係，隨即對蘇永康群起而攻之。梁頌恆更小學雞反擊，攞返蘇永康曾經吸毒嘅舊聞嚟講。不過，「食鹽多過你食飯」嘅蘇永康並無因此退縮，指梁頌恆早前圍堵中聯辦，但最後光速搭的士走人嘅「英雄事跡」，直言︰「我錯就會認，打就企定，唔會學人哋咁，帶隊去西環，跟手搭的士走。」言論擲地有聲，一眾網民都大力讚好。
蘇永康早前向傳媒宣佈自己家中將添新成員，被傳媒追問對子女有何期望時，他直言不希望子女「背祖忘宗、分裂國家」，不想生個如游梁般的小朋友出來。梁頌恆知道後當然反擊，曲線稱自己︰「雖然我無吸毒，但令媽咪終日憂心忡忡，未能與她分擔家裡的重擔，實在心中有愧。」希望藉醜化蘇永康去轉移視線。一眾梁頌恆支持者亦隨即附和，說「吸毒者特別愛國」云云，又在網上惡搞蘇永康，翻出佢陳年舊聞等等。
對於上述行為，蘇永康則冇驚過，日前接受傳媒訪問時坦然表示︰「我唔覺意踩親佢哋嘅偶像啊（吖）嘛，佢哋有佢哋嘅憤怒我理解嘅，但希望佢地終於有一日會明白，香港係需要和諧。」
吸毒舊事直認不諱
被問及有無後悔發表「生仔論」而引起風波，蘇永康直言自己做人「從不後悔」，「我𠵱一生人做嘢冇後悔過，我做人頂天立地，我錯就會認，打就企定，唔會學人哋咁，帶隊去西環，跟手搭的士走，我就唔會咁做嘅。」對於有人重提自己舊事，他直認不諱，並指自己當年在香港和台灣沒有引渡法例的情況下，自行回去承擔責任。他又說，後來有年申請外國簽證時，也被要求驗身，以證明自己無再涉毒，他亦順從去驗，最後亦成功取得簽證。
蘇永康坦蕩蕩嘅表態，贏得唔少網民嘅支持，認為蘇永康講得啱。網民又反擊梁頌恆至今仍然「賴口音」不肯為自己辱國播「獨」言行認錯，認為蘇永康表達自己意見並無問題。 ■記者 甘瑜