■杜德偉扮BB啜手指。剛為人父的杜德偉（Alex）即將推出為囝囝（AJ）所寫的全新國語單曲《抱緊處理》，新歌宣傳照昨日曝光。玩味十足的宣傳照中，Alex一身馬龍白蘭度「教父」造型，手抱一個帶有魔鬼小尾巴的BB。這位新手爸爸和演小演員BB拍攝毫無難度，Alex更稱讚BB配合度很高：「BB真係好乖好可愛，我哋一路拍攝佢都係自己玩，但係佢對我隻手指好有興趣，不斷想放入口，完全係失控！因為驚有細菌對BB唔好，所以我要洗乾淨隻手先敢繼續拍攝。整個拍攝過程佢都無喊，所以好快就捕捉到我哋想要嘅畫面。」
Alex表示大家有了小朋友之後，就會專注於BB身上，盡心服侍這些小老闆。Alex更笑言：「佢哋日頭好似天使咁可愛，但當到咗夜晚佢唔肯瞓，不斷喊就好似魔鬼一樣。」