■阿佘稱現時欠無綫還有一部劇。香港文匯報訊（記者 李思穎、梁靜儀）佘詩曼（阿佘）、楊怡、吳卓羲及農夫等，前晚到中環出席美容產品頒獎禮。由於活動舉行地點臨近海邊風勢頗大，穿上白色單肩裙的阿佘被大風吹到頭髮都亂了，而貪靚穿上露肩裝的楊怡更凍到起「雞皮」，她打算拍完劇再調理好身體生ＢＢ。
阿佘對於有份演出的劇集《天與地》及《使徒行者》被網民選為經典劇集，她開心地表示自己都鍾意這兩套劇，並反問還有哪些劇集入選。問到何時再拍劇？她表示有適合的劇本都想參與，而且她跟TVB還有一部劇集合約，3月她會先同黃子華合作一部電影，由於相隔了七年再合作，她都好期待。戲中她會飾演警察部門的角色，有別以往的角色。她又透露間中就會跟子華見面傾劇本：「子華同我都有份參與劇本創作，不過佢參與多啲，部戲係輕鬆搞笑，動作唔多，唔使幾層樓跳落嚟，（拍電影可會有壓力？）一定有，其實做每一樣工作都會有壓力，會盡力而為，會做足功課。」
談到馬國明指拍劇試過地獄式連踩27.5小時，阿佘指不單只拍劇，電影都會，她試過拍完劇再去拍電影，最重要是出來的成果，收視好就是最好回報。
昨晚楊怡貪靚穿上露肩裝現身，問到她是否愛靚唔愛命，初時她仍逞強說不覺凍，後來才笑着說：「但雞皮出賣咗我。」談到工作，她表示近日忙於為4月到上海、成都、深圳及廣州演出的舞台劇《我和春天有個約會》做綵排，雖然之前演過，但在新地方演出都有挑戰。她指舞台劇巡演至4月底，說到她下半年豈不是可以積極造人？她笑說：「承你貴言，完成工作再調理好身體先，（想快啲做媽咪？）唔急嘅，我同老公都好忙，好少二人世界。」婚後與老公聚少離多的她，希望有時間再同老公去旅行，她指之前度蜜月只去了韓國，問到想去哪裡玩？她說：「咁又冇諗，想陪媽咪旅行先。」
C君無105%人工難買樓
農夫的C君近日盛傳買豪宅築愛巢，C君就否認說：「咁貴，點買得起？租㗎咋，（咁多Job都買唔起？）我又儲唔到105%人工，每日亦慳唔到用50蚊以下使費，亦冇要求唔大唔細二千呎樓，（幾時買豪宅？）唔敢諗，好渺茫！（冇樓冇老婆？）吓，咁嚴重？不如娶層樓。」他又反問拍檔陸永：「點解你又有老婆嘅？」陸永說：「我有樓就驚，我都係租嘅，有太太就當有咗層樓。」再追問到C君是否真的築愛巢？他說：「點為之係愛巢？一齊住當然一定係我女主人，但未必係愛巢，同阿媽住又點？」陸永就笑指是「孝巢」。