■張曦雯前來向肥媽偷師。香港文匯報訊（記者 梁靜儀）Maria Cordero（肥媽）與契仔陸浩明（6號）將再度合作為無綫主持新一輯飲食節目《肥媽教落食平D》，昨日二人到將軍澳出席記者會，會上除了介紹新一輯節目的特色，肥媽更即場指教嘉賓張曦雯、陳智燊、李霖恩、陳琪及麥雅緻炮製雞翼。
提到李家鼎主持的《阿爺廚房》大受歡迎，問到肥媽會否擔心被拿來比較？肥媽指無得比較：「鼎爺係講古法同刀工，你喺屋企食飯，阿媽會唔會係條魚上面放多嚿魚呀？我就方便同便宜，我呢啲係師奶菜，自己坐月時要忙住湊小朋友又要食飯，就用電飯煲一次煮兩餸一飯。」
張曦雯表示前來是要向肥媽偷師，因她對中菜有興趣，平時會蒸魚及蒸水蛋等簡單的中菜。提到她早前素顏直播打遊戲機，打到緊張關頭更爆粗，被指顯出真性情而被網民封為「女神」，問到可有因此被遊戲商邀請做代言人？她說：「未有機會，不過我唔想太商業化，唔想因為有人畀錢我而打自己唔鍾意嘅遊戲，打機都係為興趣，我係同弟弟一齊打機大。」