在任財政司司長時，曾俊華年年估錯數，在龐大儲備下強推削減政府部門開支的「0-1-1」方案，但他昨日仍邀功稱自己可向港人交代、不負中央所託，但被問到是否代表有改善空間時立即變臉：「我唔知你點解總係講埋呢啲咁嘅嘢。」
金融服務界選委鄧聲興提問時指，金融業界是財政司司長的管轄範圍，問到曾俊華對任內的業界發展滿意與否、有否改善空間；又問他在政府儲備有9,000多億元下可否取消暫繳稅制度。問題圍繞業界，但曾俊華顯得「叻唔切」，稱自己任內的9年半非常波動，包括2008年出現金融海嘯，做了不少工夫，令金融市場基本穩定、經濟基本增長，除財政健康外更有盈餘，「我唔會話去讚自己，但我相信我係可以向香港人交代得到，我亦都係不負中央所託。」
拒答可否撤暫繳稅
主持追問道：「既然好滿意，即係如果你當選，未來5年唔需要有改善空間啦？」曾隨即顯得不悅：「呢個係你講嘅，我哋永遠都有改善空間，呢個根本係唔使講，我唔知你點解總係講埋呢啲咁嘅嘢。」
他又未有回應可否取消暫繳稅制度，辯稱要有足夠儲備才有良好信用評級，如果出現赤字會令評級下跌，而儲備雖有9,000多億元，但在一些工程仍未「找數」、預留2,000億元進行10年醫院計劃、預留1,000億元作房屋儲備下，將會所剩無幾。 ■記者 朱朗文
