李嘉誠在談到近年香港發展停滯時一度感觸，首度在眾人、鏡頭面前哽咽，聲音沙啞重申：「我愛香港，希望再見到本地一直引以為傲的香港......」李嘉誠說畢有點眼紅、眼鏡起霧，哽咽斷續稱「今日香港......GDP......得返2%」，又指自己自上世紀40年代已到香港，認同自己是香港人，香港以往有活力，但今日只見大家顧住「炒樓、賺多啲」，已經無理想。
他其後否認自己哭，稱「冇喊，點解要喊呢，只係有少少傷風，少少感冒。」
望新特首重拾香港奇蹟
集團過去一年香港酒店及零售表現差，李嘉誠期望新特首上任後，要帶領香港急起直追，不要怠慢，要做到香港人引以為榮、國家引以為榮。港人如果可以好好發揮力量，香港不單可受國家看重，亦會受世界看重，「想想香港人感覺驕傲，好多時有奇蹟，我明年90歲，我1940年來香港，感情好深厚，不想睇到香港變到樣樣嘢都麻煩，認真去做，同中央溝通特別好，我哋減少好無謂的紛爭......咁細地方，依然做出奇蹟，依然欣欣向榮。」 ■記者 梁悅琴