■社福界選委莊陳有。 資料圖片嘲失明者「有眼睇」 鬧「社禍界」「與民為敵」「蠢奴才」
喺薯粉眼中，唔投曾俊華就係衰人？社福界選委莊陳有近日在fb發帖，指自己決定投票給另一候選人胡國興，即時被薯粉圍攻，罵他「與民為敵」、「死牛一面頸」甚至「蠢奴才」等等，有人甚至針對莊陳有是失明人士這一點來攻擊對方，「乜莊陳有有眼睇？」包容喎，不想社會撕裂喎，去咗邊？ ■記者 羅旦
你以為支持林鄭月娥先會被薯粉圍攻侮辱？少年，你太年輕了！莊陳有在周日的特首選舉論壇後帖文，指自己雖然覺得曾俊華「表現最好」，胡國興「差小小（少少）」，但「我仍然會投俾（畀）胡官」，「因為佢嘅社會福利政策最接近我地（哋）嘅要求。」
他續稱，「有啲人話因為John Tsang 能夠對抗西環，所以投票俾（畀）佢。我認為做咗特首，所謂對抗嘅空間其實好少，加上我提名胡官入閘，然後又放棄投票俾（畀）佢，對我黎（嚟）講就接受唔到喇。」
胡官大讚莊「良心派」
胡國興當然好高興，轉發了該帖，並寫道：「多謝選委莊陳有先生嘅堅持，......我亦請各位選委，無論你認為自己係建制派、非建制派，請你哋憑良心投票為香港未來加入良心派。」
「民主」惡勢力：與民為敵
帖子一出，薯粉即時行使他們的「言論自由」，以「真心說話」圍攻莊陳有。有人稱「你社福界誓與民為敵，即社福界是市民的公敵」、「社福界選委同林鄭同一類人，抵當年授（受）一筆過撥款之苦，都吾（唔）醒目，所以蠢奴才何其多」、「對狐官（胡官）要有道義，卻無視市民痛苦的吶喊」，有人則稱「胡官的兒子除了是政協外，媳婦是內地官二代，你又知不知」。
反對派的評論員黃覺岸也看不過眼，發帖道：「（莊）陳有講的，係正常到不得了的話。只係有民主惡勢（力）的關係，講民主的人竟然想講句正常話亦困難。」
莊解畫批薯輕社福
大概明裡暗裡受到不少「壓力」，莊陳有再出帖解釋，胡國興的政綱接納了他們這批選委的要求，而「JT（曾俊華）的政綱距離我的信念太遠。現時香港極度貧富懸殊，17萬人住劏房，樓價暴升，老人缺乏保障，大家生活得很不快樂。 這些，不是JT有份的特區政府可以處理而沒有處理的嗎？在他的政綱中，也見不到重大的改變」。
講自己投票意向（話自己投曾俊華似乎除外）都要被人網絡批鬥，係咪真係好似啲人講，佢當選就可以令社會不再撕裂，定或者反而會更嚴重呢？這就要由市民去決定了。